U intervju telekampanii «Mir» Alaksandr Łukašenka acaniŭ toje, jakim budzie śviet paśla pandemii, paviedamlaje telehram-kanał «Puł pieršaha».
«Siońnia ŭsie ŭžo adkazvajuć: paśla pandemii śviet budzie inšym. I ja z hetym zhodny. Ale dzie budzie naša miesca ŭ hetym śviecie? Voś dla mianie hałoŭnaje pytańnie. Heta nie karanapsichoz, nie infapandemija. Heta jość, ale miesiac-dva — i projdzie. Zastaniecca pytańnie, dzie naša miesca. I takoje pytańnie budzie i dla bahatych resursami Kazachstana, Turkmienistana, Tadžykistana, jašče bolš dla Armienii i Kyrhyzstana, Ukrainy i dla Naŭsiedy [prezident Litvy], jaki siońnia sprabuje pastavić pad sumnieŭ palityku prezidenta Biełarusi. Dla ŭsich paŭstanie hetaje pytańnie. Bajusia, kab nas nie pieradzialili biez vajny», — skazaŭ Łukašenka.
Taksama kiraŭnik krainy raspavioŭ pra toje, kamu i navošta cikavy pieradzieł śvietu. I dla čaho AAN prapanuje ŭklučyć drukarski stanok!
«Dalar i tak pastupova abiasceńvajecca, a tut prosta pojdzie vał, inflacyja. Dzie apyniemsia my sa svaim rublom, zrazumieła. Bolš za toje: chto atrymaje hetyja tryljony, u kaho jany zastanucca? Ci nie atrymajecca, što bahatyja stanuć bahaciejšymi, a biednyja — biadniejšymi? Atrymajecca. Nas šturchnuli da taho, što my pavinny spynicca, siadzieć i prajeści tyja biednyja valutnyja zapasy, jakija ŭ nas jość. Nielha skazać, što navat u Rasii jany vielizarnyja. Heta dla Rasii ništo — siedziačy, na hod nie chopić. Sapraŭdy hetak i ŭ nas. I tady, nadrukavaŭšy 10% VUP, da nas pryjduć tyja, chto na nahach, i skažuć: voś vam pakrysie, ale vy budziecie rabić toje, što my skažam. Voś tak moža być pieradzialić śviet».
***
U Biełarusi za try miesiacy z 1 studzienia kurs dalara vyras z 2,1085 da 2,5893 biełaruskaha rubla, h. zn. na 48 kapiejek, abo 22,5%.
Dla čynoŭnikaŭ raspracavali miesiendžar Depesha. U čym jaho hałoŭnaja prablema?1
Kamientary