U minskaj balnicy piersanału, starejšamu za 60 hadoŭ, prapanavali pajści u adpačynak za svoj košt
U 11-j haradskoj kliničnaj balnicy Minska piersanału, starejšamu za 60 hadoŭ, prapanujuć uziać dva tydni adpačynku za svoj košt.
«Naša Niva» źviarnułasia da administracyi balnicy, kab daviedacca bolš infarmacyi.
«Prapanova takaja była, ale my nie nastojvali. Heta chto choča, — kaža hałoŭnaja doktarka Žanna Kazačonak. — Dźvie piensijanierki z adździaleńnia nieŭrałahičnaj reabilitacyi navat vyjavili žadańnie ŭziać adpačynak za svoj košt, ale ŭ vyniku nie pajšli, bo niama kamu ich zamianić».
U inšych adździaleńniach balnicy, tłumačyć Žanna Kazačonak, ciapier prypynili špitalizacyju, tamu piersanał mienš zahružany.
Ci nie vyklikana takaja prapanova niepakojem za zdaroŭje ŭzrostavych supracoŭnikaŭ?
«Ja rekamienduju ŭsim bierahčy siabie i vykarystoŭvać srodki abarony. Ja čałaviek dziaržaŭny, cudoŭna aceńvaju epidemijałahičnuju situacyju, jana całkam kiravanaja», — tolki adkazała hałoŭnaja doktarka.
Jak viadoma, u śviecie adbyvajecca pandemija karanavirusa. Virus asabliva niebiaśpiečny dla ludziej, starejšych za 60 i, jašče bolej, za 70-80 hadoŭ. Śmiarotnaść ad karanavirusa prykładna ŭ 20 razoŭ vyšejšaja, čym ad hrypu, a pa stupieni zaraznaści jon paraŭnalny z hrypam. Pavodle aficyjnych źviestak z Kitaja, tam ad karanavirusa pamierli prykładna 4,1 pracenta vyjaŭlenych chvorych. U Hiermanii śmiarotnaść składaje 1,4 pracenta, ale tam epidemija pačałasia paźniej, i ličba śmiarotnaści budzie raście ŭ suviazi z tym, što kala 4,5% pacyjentaŭ znachodziacca ŭ ciažkim i krytyčnym stanie.
Siarod ludziej, starejšych za 70 hadoŭ, śmiarotnaść moža pieravyšać 15%, paviedamlajuć epidemijołahi jeŭrapiejskich krain.
Sychod starejšych daktaroŭ u časovy adpačynak dazvoliŭ by źbierahčy zdaroŭje kadraŭ, patencyjna najbolš uraźlivych dla infiekcyi.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary