U Minadukacyi prakamientavali incydent u homielskaj škole, dzie nastaŭnica traŭmiravała školnicu
Ministerstva adukacyi na svaim aficyjnym sajcie adreahavała na incydent u homielskaj škole pamiž nastaŭnikam i vučanicaj.
«Niezaležna ad sukupnaści abstavin reakcyja piedahoha na pavodziny navučenca była niedapuščalnaj. Ministerstva adukacyi nieadnarazova raskazvała pra niedapuščalnaść prajaŭleńnia ahresii abo hvałtu ŭ dačynieńni da niepaŭnaletnich», — paviedamlaje ministerstva.
Pravodzicca ŭnutranaje rasśledavańnie, pa vynikach jakoha buduć pryniaty adpaviednyja rašeńni.
Kab nadalej vyklučyć paŭtareńnie padobnych niehatyŭnych vypadkaŭ, ministerstva prosić piedahohaŭ vykonvać dakładny ałharytm dziejańniaŭ u takich situacyjach.
«Luby hvałt (fizičny ŭ vyhladzie bićcia ŭ karak abo psichałahičny ŭ formie niecenzurnych vykazvańniaŭ) z pazicyi piedahoha niedapuščalny», — adznačaje ministerstva.
Nahadajem, 21 studzienia pamiž nastaŭnikam i vučanicaj treciaha kłasa homielskaj himnazii № 71 adbyŭsia kanflikt: piedahoh schapiŭ za vucha dziaŭčynku-treciakłaśnicu i traŭmiravaŭ jaje. Baćki napisali zajavu ŭ milicyju.
«Pieravysili słužbovyja abaviazki, idzie razhlad». U homielskaj himnazii nastaŭnica źbiła treciakłaśnika — jamu nakładali švy
Łukašenka ŭpieršyniu źjaviŭsia na publicy razam z mamaj Koli37
Kamientary