Siaredniehadavaja tempieratura pavietra ŭ Biełarusi za 10 hadoŭ pavialičyłasia na 0,5 hradusa. Heta vyklikała rost kolkaści škodnikaŭ
Klimat Biełarusi źmianiajecca, siaredniehadavaja tempieratura pavietra za 10 hadoŭ pavialičyłasia na 0,5 hradusa. Raście ryzyka ekstremalnych źjaŭ nadvorja. Pra heta siońnia paviedamiŭ dyrektar Instytuta pryrodakarystańnia NAN Biełarusi doktar fizika-matematyčnych navuk, prafiesar Siarhiej Łysienka, piša BiełTA.
«Asabliva chutka adbyvajecca rost hadovaj tempieratury. Aktyŭna idzie paciapleńnie na paŭdniovym uschodzie Biełarusi. Možna zaŭvažyć, što kolkaść apadkaŭ u studzieni-lutym pavialičvajecca. Heta bolš adčuvalna ŭ paŭnočnych rehijonach krainy», — raspavioŭ Siarhiej Łysienka.
U takoj źmienie klimatu jość jak plusy, tak i minusy. «Uzimku buduć źmianšacca zatraty na aciapleńnie, paciapleńnie akazvaje spryjalnyja ŭmovy dla raźvićcia transpartnaj infrastruktury, za vyklučeńniem račnoha transpartu, tamu što ŭ dalejšym abmialeńni rek stanuć častaj źjavaj», — rastłumačyŭ Siarhiej Łysienka. Paciapleńnie adabjecca stanoŭča i na sielskaj haspadarcy. Na poŭnačy Biełarusi nizkija tempieratury zaŭsiody abmiažoŭvali raźvićcio ziemlarobstva. Na poŭdni budzie mahčymaść vyroščvać bolš piersikaŭ, abrykosaŭ i inšych kultur. Uzmacnić stanoŭčy efiekt dazvolać adaptacyjnyja mierapryjemstvy.
«Jość i admoŭnyja baki. Raście kolkaść ekstremalnych źjaŭ nadvorja, pavialičvajecca vierahodnaść zamarazkaŭ i zasuch. Isnuje mierkavańnie, što z rostam tempieratur pavialičvajecca źmienlivaść mieteaelemientaŭ. Naprykład, rost tempieratury pavietra nie vyklučaje nastupleńnia maksimalna chałodnych tempieratur», — kanstatavaŭ dyrektar instytuta.
Źmianieńnie klimatu paciahnuła za saboj pavieličeńnie kolkaści nasiakomych-škodnikaŭ u sielskaj haspadarcy. Pra heta paviedamiła namieśnik dyrektara pa navucy Instytuta achovy raślin NAN Biełarusi Alena Jakimovič.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?10
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary