Ułada5252

Łukašenka raskazaŭ, jak niekatoryja «śviadomyja hramadzianie» razbahacieli na humanitarcy

Pry pryznačeńni Ihara Kudreviča dyrektaram Departamienta pa humanitarnaj dziejnaści Kiraŭnictva spravami prezidenta Alaksandr Łukašenka raskazaŭ, «što mora fondaŭ padtrymlivajuć apazicyju», i jak hrošy dla apazicyi «čamadanami sprabujuć zavieźci ŭ Biełaruś». Słovy pryvodzić jaho pres-słužba.

U najbližejšy čas płanujecca padkarektavać pracu Departamienta pa humanitarnaj dziejnaści. Alaksandr Łukašenka rastłumačyŭ, što heta budzie zroblena ŭ siłu druhoj pryčyny, čamu jon zamknuŭ na sabie pracu hetaj struktury.

«My nie mahli admovicca ad humanitarnaj dapamohi z-za miažy: my čarnobylskaja respublika — i čarnobylcam dapamahali, i dzietkam. Potym hetaja humanitarnaja dapamoha pašyryłasia na spartsmienaŭ, ludziej z abmiežavanymi mahčymaściami i hetak dalej.

Ale što ja zaŭvažyŭ hadoŭ dvaccać tamu, moža, navat bolš: humanitarnaj dziejnaściu ŭ nas bolš za ŭsio zajmałasia apazicyja. I jany na praciahu adnaho hoda stali bahatymi. Jany tut chadzili pa vulicach, hvałtam kryčali.

Adkul hrošy? Stali vyvučać: vaŭ, dy heta ž humanitarnaja dapamoha! I tady ja ŭziaŭ pad kantrol hetaje pytańnie — kali humanitarnaja dapamoha nakiroŭvajecca ŭ krainu čarnobylcam, jana pavinna dajści da čarnobylcaŭ. I takuju ​​humanitarnuju dapamohu my vyzvalali ad padatkaŭ», — adznačyŭ jon.

«Kali hrošy prychodziać u krainu na finansavańnie palityčnaj dziejnaści, to heta ŭžo nie moža ličycca humanitarnaj dapamohaj, — źviarnuŭ uvahu kiraŭnik dziaržavy. — I hetyja srodki nie mohuć vyzvalacca ad padatkaŭ».

«Padtrymka apazicyi i ich palityčnaj dziejnaści — kali łaska, fondaŭ mora. Amierykanskich, u Hiermanii: Ebierta, Adenaŭera i hetak dalej. Jany pavinny i akazvajuć dapamohu, praŭda, zaŭsiody nieprazrysta: jana idzie praz Polšču, Litvu, čamadanami sprabujuć zavieźci hrošy ŭ Biełaruś. My heta spynili. Ale hałoŭnaje, jak bačyš, našy niekatoryja «śviadomyja» hramadzianie stali bahatymi 20-25 hadoŭ tamu nazad. Tamu pryjšłosia ŭziać pad kantrol humanitarnuju dziejnaść, kab vyzvalenaja ad padatkaŭ jana dajšła da spažyŭca, mienavita da tych, kamu z Zachadu ci Uschodu pryznačana pa dakumientach. I departamient tut adyhraŭ vielmi surjoznuju rolu», — padkreśliŭ Alaksandr Łukašenka.

Kamientary52

Padrabiaznaści teraktu Kryhiera pad Aziaryščam — razburanyja špały i nivodnaha paranienaha8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →