Ułada77

«Vielmi miakki čałaviek, jamu ŭsich škada». Što viadoma pra siamju novaha namieśnika kiraŭnika AP Valeryja Bielskaha

Eks-dyrektar Instytuta ekanomiki Akademii navuk Valeryj Bielski staŭ namieśnikam kiraŭnika Administracyi prezidenta, adkaznym za ekanamičny błok.

Na hetaj pasadzie jon źmienić Mikałaja Snapkova, jaki pajedzie pasłom u Kitaj.

Valeryj Bielski. Fota sb.by.

Kali karacieńka prajścisia pa bijahrafii Valeryja Bielskaha, to jon naradziŭsia ŭ 1968 hodzie ŭ vioscy Dzievašyčy Białynickaha rajona. Vučyŭsia ŭ sielskahaspadarčaj akademii ŭ Horkach, śpiecyjalnaść — ekanomika i kiravańnie ŭ halinie APK. Pracavaŭ hałoŭnym ekanamistam u rodnym saŭhasie «Kalinoŭski».

U 1995 hodzie pastupiŭ u aśpiranturu Biełaruskaha navukova-daśledčaha instytuta ekanomiki i infarmacyi APK». Paśla skančeńnia tak i zastaŭsia tam na pracy. Byŭ zahadčykam siektara cenaŭtvareńnia, namieśnikam dyrektara, dyrektaram. Ad 2012 da 2015 adpracavaŭ u Maskvie namieśnikam ministra pramysłovaści Jeŭrazijskaj ekanamičnaj kamisii. Ad 2016 hoda — byŭ dyrektaram instytuta ekanomiki NAN.

«NN» znajšła niekatoryja cikavyja źviestki pra asabistaje žyćcio i siamju novaha namieśnika kiraŭnika Administracyi prezidenta.

Jak my ŭžo adznačali, Valeryj Bielski rodam ź Białynickaha rajona. Darečy, mienavita adtul karani jašče adnaho namieśnika kiraŭnika AP Andreja Kunceviča, jaki kuryruje ideałohiju. I choć rodnaj vioskaj čynoŭnika paznačanyja Dzievašyčy, adnak u realnaści radzimaj možna ličyć Vialikuju Maščanicu, jakaja znachodzicca pobač.

U Dzievašyčach žyli dziady Bielskaha. I mienavita tudy naradžać syna pryjechała mama budučaha čynoŭnika. Da hetaha Raisa Alaksiejeŭna pracavała nastaŭnicaj matematyki (skončyła Mahiloŭski piedinstytut) ŭ vioscy Zapolle Białynickaha rajona. Tam jana sustreła studenta Ivana Bielskaha, jaki na toj momant vučyŭsia na jurysta ŭ dalokaj rasijskaj Čycie. Para pabrałasia šlubam, Raisa chutka zaciažaryła, Ivan ža pajechaŭ praciahvać vučobu ŭ Čytu. Tolki pa skančeńni instytuta siamja ŭźjadnałasia.

Spačatku jany pierajechali žyć u viosku Eśmany (heta niedaloka ad Dzievašyčaŭ), potym niejki čas pažyli ŭ Puchavickim rajonie (tam Valeryj Bielski pajšoŭ u škołu). A kali chłopiec pierachodziŭ u treci kłas, to Bielskija pierabralisia ŭ Vialikuju Maščanicu. Maci pracavała nastaŭnicaj, baćka — ekanamistam u saŭhasie.

U siamji była dvuchpakajovaja kvatera ŭ domie ŭ Maščanicy. Nie tak daŭno Raisa Alaksiejeŭna pradała tuju chatu. «Muž pamior čatyrnaccać hadoŭ tamu, amal adrazu paśla hetaha dačka zabrała mianie da siabie ŭ Minsk. Ja z unučkami ŭsie kanikuły jeździła ŭ rodnyja miaściny, sumavała pa ich. A ciapier užo baču, što chutka ad hetaha ničoha nie zastaniecca, tolki ruiny, tamu i pradała», — raskazvaje «NN» mama čynoŭnika.

Da minułaha hoda ŭ Bielskaha žyvoj była jašče babula, matka matki, jana adyšła ŭ 97 hadoŭ. «U subotu była hadavina, pryjazdžała ŭsia siamja, i Valera byŭ. Mama pamierła 28 studzienia, ale my ŭžo ŭ subotu źbiralisia. 28-ha ja adna na kładzišča schadziła», — raskazvaje Lidzija Alaksiejeŭna Puhač, ciotka Valeryja Bielskaha. Jana žyvie ŭ Eśmanach.

U dziacinstvie, jak raskazvaje mama, u Valeryja Bielskaha lubimymi pradmietami byli techničnyja i pryrodaznaŭčyja navuki: chimija, matematyka. «Jon taki čałaviek cikaŭny, što moh by, mabyć, u luboj śfiery pracavać.

Usio jamu było cikava. Pastajanna kruciŭ niejkija hajki, lubiŭ rovar raźbirać, moh televizar adramantavać. Potym užo matacykł jamu kupili, to ź im byŭ uvieś čas. Kali vučyŭsia ŭ Horkach, to jeździŭ na lon, zarabiŭ sabie na lepšy matacykł, zdajecca IŽ. Mašynu pieršuju kupiŭ, kali ŭžo žanaty byŭ. Heta była «Aka», maleńkaja takaja, na što hrošaj chapała, toje i nabyŭ», — raskazvaje mama Raisa Alaksiejeŭna.

«Jon mnie ŭsio dapamahaŭ pa domie. Ja ž nastaŭnicaj pracavała, a heta viedajecie, jakaja praca? Pryjšoŭ z raboty, a doma pracy jašče bolš, stos sšytkaŭ pierad taboj lažyć i treba ŭsie ich pravieryć. Valera moh i padłohu pamyć, i tort zhatavać. Časam lepšym byŭ, čym dačka», — praciahvaje žančyna.

Valeryj Bielski. Fota director.by.

Škołu Valeryj skončyŭ z załatym miedalom. Mama kaža, što chłopiec śviadoma nie chacieŭ haradskoha žyćcia i jaho nie abiraŭ, tamu vyrašyŭ pastupać u Horackuju akademiju. «Jon spačatku na inžyniera chacieŭ, bo jamu bolš cikavymi byli techničnyja dyscypliny, ale ja ŭhavaryła pastupać na ekanamista», — havoryć mama.

Paśla taho, jak Bielski advučyŭsia adzin kurs u Horkach, jaho zabrali ŭ vojska. Słužyŭ u Maskvie ŭsie dva hady. «Kali ja da jaho pryjazdžała, to skazaŭ, što jamu nie padabajecca vučycca na ekanamista, choča pierapastupić na techničnaje paśla armii. Kali viarnuŭsia z vojska, to pačałasia pierabudova, ekanamisty byli modnymi, to jon usio ž zastaŭsia». Pra vojska mama kaža, što syn nie skardziŭsia ni na dziedaŭščynu, ni na ciažkaści.

Na piatym kursie VNU Valeryj Bielski pabraŭsia šlubam. Dziaŭčyna była jahonaj adnahrupnicaj, sama rodam z Dobruša. Ź joj čynoŭnik praciahvaje žyć pa siońnia. Aksana Bielskaja ciapier pracuje zahadčycaj adździeła pa sacyjalna-ekanamičnaj rabocie Minskaj abłasnoj arhanizacyi prafsajuzaŭ ahrapramysłovaha kompleksu.

Aksana Bielskaja za stałom krajniaja sprava. Fota «Smalavicki kraj».

U Valeryja i Aksany Bielskich dźvie dački. Pieršaja, Ina, naradziłasia ŭ 1994 hodzie, kali baćka pracavaŭ jašče ekanamistam u kałhasie. Dziaŭčyna skončyła bijałahičny fakultet BDU ŭ 2016 hodzie,

ciapier pracuje ŭ Respublikanskim navukova-praktyčnym centry epidemijałohii i mikrabijałohii.

Dziaŭčyna zamužam, ale pakinuła svajo dziavočaje proźvišča.

Dačka Ina Bielskaja. Fota z vk.com.

A voś druhaja dačka — Vieranika — naradziłasia čatyry hady tamu. Kažuć, što mienavita praz naradžeńnie dački Bielski viarnuŭsia z Maskvy nazad u Minsk. Tak što Valeryj Ivanavič — heta małady tata.

Jość u čynoŭnika i rodnaja siastra, jana taksama maje dziaržaŭnuju pasadu. Alena Cykunova ŭznačalvaje ŭpraŭleńnie dziaržaŭnaj ŭłasnaści ŭ Ministerstvie sielskaj haspadarki.

Alena Cykunova. Fota «Sielskaja hazieta».

«Radaja, što jamu davieryli takuju vysokuju pasadu. Ale adnačasova mnie i tryvožna, Valera pa charaktary vielmi miakki čałaviek. Składana budzie dakładna. Jamu ŭsich škada. Navat svaich padnačalenych. Kali jość niejkaja rabota, to jon chutčej sam jaje zrobić, čym kamuści budzie daručać. Pa charaktary jon pracaholik. Navat kali idzie ŭ adpačynak i zastajecca ŭ Biełarusi, to biez kanca zvanki i zvanki, nu jaki heta adpačynak? I kali damoŭ uviečary prychodzić, to piša i piša niešta», — raskazvaje mama.

Kamientary7

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Usie naviny →
Usie naviny

«Hienierał-špic Umka pad kodavym imieniem Bieleńki». Najlepšyja tvity tydnia9

U Minsku na dziaŭčynu, jakaja viartałasia ź plažu, upała dreva. Jana zahinuła3

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

bolš čytanych navin
bolš łajkanych navin

Ispanija čaćvierty raz u historyi vyjhrała Jeŭra — i heta rekord VIDEA1

Ispanija čaćvierty raz u historyi vyjhrała Jeŭra — i heta rekord VIDEA

Hałoŭnaje
Usie naviny →