Va Uzbrojenych siłach pačałasia kompleksnaja pravierka bajavoj hatoŭnaści
Va Uzbrojenych Siłach Respubliki Biełaruś pačałasia raptoŭnaja pravierka bajavoj hatoŭnaści, paviedamlaje Minabarony ŭ svaim telehram-kanale.
«30 studzienia zhodna z rasparadžeńniem ministra abarony pad kiraŭnictvam načalnika Hienieralnaha štaba — pieršaha namieśnika ministra abarony — pačałasia kompleksnaja pravierka bajavoj hatoŭnaści Uzbrojenych Sił. Hałoŭnaj metaj pravierki źjaŭlajecca vyznačeńnie zdolnaściaŭ orhanaŭ vajennaha kiravańnia, kamandziraŭ kiravać padnačalenymi voinskimi čaściami i padraździaleńniami, a dla voinskich čaściej i padraździaleńniaŭ Uzbrojenych Sił — hatoŭnaść vykonvać zadačy pa pryznačeńni va ŭmovach chutkaźmienlivaj abstanoŭki».
Dziejańni vojskaŭ projduć na palihonach i asobnych učastkach miascovaści. Uličvajučy śpiecyfiku vykonvajemych zadač, vojskam daviadziecca dziejničać u roznych umovach — pieraadolvać vodnyja pieraškody, adpracoŭvać vučebna-bajavyja zadačy dniom i nočču jak u lasnych masivach, tak i ŭ nasielenych punktach.
Kamientary