Mitynhoŭcy ŭ Abchazii zachapili budynak prezidenta niepryznanaj respubliki. Mitynh la budynka administracyi pačaŭsia 9 studzienia, pratestoŭcy pranikli ŭnutr praz raźbitaje akno, jany patrabavali pryznać niesapraŭdnymi vybary prezidenta, što prajšli ŭ žniŭni, piša RBK.

TASS piša, što pratestoŭcy prarvalisia ŭ budynak, jany vyłamali dźviery na pieršym paviersie, unutry administracyi sabrałasia niekalki dziasiatkaŭ čałaviek. U vyniku sutyknieńniaŭ la budynka administracyi jość paciarpiełyja, adnak u Ministerstvie achovy zdaroŭja śćviardžali, što nichto nie paciarpieŭ.

Akcyja prachodzić u dzień, kali kasacyjnaja kalehija Viarchoŭnaha suda Abchazii razhladała pazoŭ apazicyjaniera Ałchasa Kvicynii, što ŭstupiŭ hałavie krainy Raŭlu Chadžymbie, nabraŭšy 46,19% hałasoŭ suprać 47,38%. Kvicynia zajaviŭ, što dla pieramohi na vybarach kandydat pavinien nabrać bolš za 50% hałasoŭ i zapatrabavaŭ pryznać vyniki hałasavańnia niesapraŭdnymi, ale ŭ vieraśni Viarchoŭny sud adchiliŭ jaho pazoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0