Prezident ZŠA Donald Tramp u sieradu, 8 studzienia, padčas svajoj pramovy pa situacyi ź Iranam paabiacaŭ uvieści «mahutnyja» sankcyi.

«Pakul ja prezident, Iran nikoli nie budzie jadziernaj dziaržavaj», — pačaŭ Tramp pres-kanfierencyju, na jakuju jon vyjšaŭ razam z pradstaŭnikami siłavoha błoka.

«ZŠA ŭviaduć mahutnyja sankcyi suprać Irana», — skazaŭ Tramp, dadajučy, što Iran pavinien admovicca «ad jadziernych ambicyj i spynić padtrymku teraryzmu».

Taksama, pa słovach amierykanskaha lidara, Jeŭropa, Kitaj, Rasija i inšyja krainy pavinny admovicca ad jadziernaj ździełki ź Iranam.

Taksama Tramp zajaviŭ, što ni adzin amierykanski vajskoviec nie paciarpieŭ u vyniku abstrełu avijabazy ZŠA.

«Ni adzin z amierykancaŭ nie paciarpieŭ u vyniku napadu iranskaha režymu minułaj nočču. Niama zahinułych, usie našy sałdaty ŭ biaśpiecy, a našy bazy atrymali minimalny ŭron», — skazaŭ jon.

Pa słovach Trampa, ZŠA dapamahła sistema rańniaha papiaredžańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0