Usiaho patrochu3838

Pamiatajecie futbalista-mažora Illu Łuchviča? Jon na «chimii», ale znoŭ chvalicca darahimi mašynami i parušaje praviły FOTY

Hod tamu 19-hadovy futbalist Illa Łuchvič staŭ «zorkaj»: u ŚMI trapili videaroliki, dzie junak haniaje na mamčynaj «Infinici», parušajučy praviły. Pryčym, zdymaŭ i vykładvaŭ videa sam Illa.

Paśla za syna vybačaŭsia baćka, były futbalist zbornaj Biełarusi Alaksandr Łuchvič. A ŭletku Illa razam sa svajoj dziaŭčynaj Nastaśsiaj atrymali adpaviedna dva i paŭtara hoda chatniaj «chimii».

Paračku asudzili nie za honki, a za machlarstva z ajfonami: maładziony kuplali niaspraŭnyja telefony, paśla pradavali ich nibyta narmalnyja.

Zdavałasia b, pryhodaŭ i ŭvahi ŚMI Illi Łuchviču musiła chapić. Ale ž nie.

Novuju padborku kantentu ad Illi apublikavaŭ partał «Trybuna». Łuchvič-małodšy zavioŭ novy akaunt u instahramie, dzie praciahvaje chvalicca i toj samaj «Infinici», jakuju baćki abiacali zabrać, i novaj mašynaj — darahoj «BMV» z «niaprostym» numaram.

Akramia taho, Łuchvič-małodšy praciahvaje i hanarycca parušeńniami PDR, i vykładvać storyz z mašyny, na jakoj katajecca ŭ horadzie z chutkaściu pakazvaje 100 kiłamietraŭ u hadzinu. Nu i nie zabyvaje razvodzić «srač» u kamientach, pantujučysia i hrašyma, i baćkam (jakoha, ščyra kažučy, bolš za ŭsich škada ŭ hetaj historyi).

Za try i bolš parušeńniaŭ (spahnańniaŭ) čałaviek, prysudžany da chatniaj chimii, atrymlivaje status złosnaha parušalnika. U jaho dačynieńni zavodzicca kryminalnaja sprava za ŭchileńnie ad adbyćcia pakarańnia. U takim razie parušalniku pahražaje da troch hadoŭ realnaha pazbaŭleńnia svabody.

«Naša Niva» źviazałasia ź Illoj Łuchvičam, ale jon admoviŭsia ad kamientaroŭ:

«Vy mnie pazvanili a 7-j viečara, kab debilnyja pytańni pazadavać? To zajdzicie ŭ kamienty, pahavarycie tam ź ludźmi, im heta taksama cikava. Numar moj vydalicie i nie zvanicie bolš nikoli».

Baćka za syna nie adkazvaje. Ale ŭ minuły raz Alaksandr Łuchvič pavioŭ siabie vielmi sumlenna: pryjšoŭ u kamientary da artykuła, vybačaŭsia za pavodziny syna.

Taksama Łuchvič-starejšy nie ihnaravaŭ pytańni žurnalistaŭ: adkazvaŭ na ŭsie niepryjemnyja pytańni, abiacaŭ žorstka pahavaryć z synam. Karaciej, prykryvaŭ Illu, absalutna nie admaŭlajučy, što syn pierahnuŭ pałku.

«Naša Niva» raskazała pra novyja pryhody Illi Łuchviča jaho baćku. Alaksandr Łuchvič ździviŭsia, ale paabiacaŭ razabracca.

«Nie moža być… «Infinici» ŭ jaho daŭno niama, my zabrali. «BMV» — heta jaho, jon sam nabyŭ u lizinh. Heta staraja madel, jana nie kaštuje šalonych hrošaj.

Syn pracuje ŭ sałonie, pradaje aŭtamabili. Jon staŭ našmat razumniejšym, spakajniejšym. U niejkija historyi nie traplaŭ, nie haniaje, nakolki ja viedaju… Tak što dziakuj, što paviedamili, raźbiarusia. Pahavaru ź im».

Kamientary38

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →