U Kitai navukoŭca pasadzili na try hady za źmianieńnie hienomu embryjonaŭ
Sud horada Šeńčžeń (pravincyja Huandun) prysudziŭ kitajskaha vučonaha Che Cziańkuja da troch hadoŭ turmy i štrafu ŭ 3 młn juaniaŭ (kala $ 430 tys.) za praviadzieńnie niezakonnaha ekśpierymientu z naradžeńniem dvajniat z hienietyčna madyfikavanych embryjonaŭ. Pra heta havorycca ŭ rašeńni suda, piša TASS.
«Uličvajučy złačynnaje dziejańnie traich abvinavačanych, jaho charaktar i stupień sacyjalnaj niebiaśpieki, pryznačyć Che Cziańkuja pakarańnie ŭ vyhladzie turemnaha źniavoleńnia terminam try hady i štraf 3 młn juaniaŭ», - adznačajecca ŭ prysudzie.
U listapadzie minułaha hoda Che Cziańkuj z Paŭdniovaha navukova-technałahičnaha univiersiteta (Šeńčžen) abviaściŭ, što jamu ŭdałosia stvaryć pieršych u śviecie hienietyčna madyfikavanych ludziej.
Hieny dziaŭčynak-dvajniat, jakija tady nibyta źjavilisia na śviet, byli adredahavanyja pry dapamozie technałohii CRISPR-Cas9, što dazvalaje znajści ŭ DNK patrebny hien i vydalić abo padpravić jaho.
U bliźniat byŭ adredahavany hien CCR5, źmiena jakoha pavinna źnizić ryzyku inficyravańnia VIČ.
Dziaŭčynak nazvali Nana i Łułu.
Kamientary