Kruty: Biełaruś źbirajecca za try dni ŭzhadnić uvieś intehracyjny pakiet z Rasijaj
Biełaruś i Rasija ŭ najbližejšy čas zavieršać ŭzhadnieńnie ŭsiaho pakieta intehracyjnych darožnych kart dla taho, kab kiraŭniki dziaržaŭ jaho ŭchvalili. Pra heta zajaviŭ u paniadziełak pieršy vice-premjer Biełarusi Dźmitryj Kruty na ŭračystym pryjomie ŭ pasolstvie Rasii ŭ Biełarusi, paviedamlaje TASS.
«Na siońnia ŭ nas, pa vialikim rachunku, za vyklučeńniem niekalkich pytańniaŭ, jakija ŭdakładniacca ŭ najbližejšyja 2—3 dni, intehracyjny pakiet budzie ŭzhodnieny. My padbiarom čas, kab našy lidary va ŭračystaj abstanoŭcy jaho padpisali abo parafiravali. Heta nadaść biesprecedentny, novy impuls našym adnosinam», — adznačyŭ pieršy vice-premjer urada.
U pieršuju čarhu, rastłumačyŭ Kruty, «heta budzie ekanomika». Jon pryznaŭ, što spačatku intehracyjnaja praca išła «vielmi marudna».
«Tut niama ničoha dziŭnaha. Asabliva za apošnija hady, kali Rasijskaja Fiederacyja apynułasia ŭ vielmi składanaj situacyi, i sutyknułasia, pa sutnaści, ź biesprecedentnym źniešnim ciskam, jana była vymušana transfarmavać svaju ekanamičnuju i finansavuju palityku. Adsiul i biudžetnaja kansalidacyja, uviadzieńnie praviłaŭ, padatkovy manieŭr, palityka impartazamiaščeńnia i inšaje», — udakładniŭ Kruty.
«I nam, jak bližejšym partnioram zdavałasia, što heta šmat u čym nakiravana suprać nas. Rasijskija kalehi z halinovych viedamstvaŭ patłumačyli, što heta nie tak. I siońnia my heta adčuvajem», — zajaviŭ pieršy vice-premjer.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady14
Kamientary