Kijeŭ i Danbas praviaduć abmien pałonnymi pa formule «ŭsie vyznačanyja na ŭsich vyznačanych»
Trochbakovaja kantaktnaja hrupa pa Ukrainie ŭzhadniła abmien pałonnymi. Jon projdzie pa formule «usie vyznačanyja na ŭsich vyznačanych» da kanca hetaha hoda. Pra heta paviedamlaje Ofis prezidenta Ukrainy, pieradaje TUT.BY.
«Była narešcie dasiahnutaja damoŭlenaść ab praviadzieńni ŭzajemnaha vyzvaleńnia asob da kanca hetaha hoda, jak, ułasna, i było damoŭlena padčas paryžskaha samitu ŭ narmandskim farmacie. I heta vialikaje ščaście, bo my zmožam narešcie zabrać ź niezakonnaha ŭtrymańnia pad vartaj tych našych chłopcaŭ, jakich nie zmahli zabrać u śniežni 2017 hoda, tych dziaciej, jakija na praciahu čatyroch hadoŭ paśla Iłavajska, Debalcava znachodzilisia ŭ pałonie i jakija na praciahu čatyroch hadoŭ nie mieli mahčymaści navat pahutaryć sa svaimi siemjami», — adznačyła pradstaŭnik Ukrainy ŭ humanitarnaj padhrupie Trochbakovaj kantaktnaj hrupy Valeryja Łutkoŭskaja.
Pa słovach Łutkoŭskaj, ciapier kančatkova dašlifoŭvać śpisy. Jana paprasiła «nie manipulavać infarmacyjaj», bo ad hetaha zaležać losy ludziej.
Na sustrečy lidaraŭ «narmandskaj čaćviorki» ŭ Paryžy 9 śniežnia była dasiahnutaja damoŭlenaść pamiž Zialenskim i Pucinym pravieści abmien pałonnymi da 31 śniežnia 2019 hoda. Adnak na pasiadžeńni kantaktnaj hrupy ŭ Minsku ŭ minułuju sieradu baki nie zmahli ŭzhadnić śpisy asob dla abmienu.
Kamientary