Žychary Lidy dałučylisia ŭ vychodnyja da akcyj suprać intehracyi z Rasijaj. Kala dziesiaci maładych ludziej mitynhavali ŭ centry horadu ŭviečary 22 śniežnia, piša Radyjo Svaboda.
Udzielnik akcyi Illa Šablinski raskazaŭ, što mitynh pačaŭsia kala pomnika kniaziu Hiedziminu. Maładyja ludzi stajali ź bieł-čyrvona-biełymi ściahami na plačach. Adzin ź ich trymaŭ płakat «Belarus is not Russia» («Biełaruś nie Rasija»). Potym kampanija pierajšła na płošču Lenina, da hałoŭnaj haradskoj jalinki.
Pa słovach Illi, mnohija ludzi reahavali pazityŭna, padychodzili zrabić sumiesnaje fota, pytalisia pra sens akcyi. Inšyja chvalavalisia, što biełarusy nie zdolejuć pražyć biez tannych rasijskich hazu i nafty.
«My adkazvali, što nie chočam być Rasijaj, što nam nieabyjakavaja našaja niezaležnaść… Tłumačyli na prykładzie Ukrainy, što tam lepiej za nas žyvuć, narmalna i biez Rasii», — kaža Illa.
Jon adziny paŭnaletni siarod usich udzielnikaŭ akcyi. Jamu 18 hadoŭ, pracuje aficyjantam. Astatnija — školniki i navučency himnazii, im pa 16-17.
«Nam jašče žyć u hetaj krainie. Treba niešta rabić. Kali ŭsie buduć siadzieć doma i maŭčać; jak zvyčajna, abmiarkoŭvać doma na kuchni, to ničoha nie źmienicca», — upeŭnieny Illa.
Akcyja praciahnułasia dźvie hadziny. Kali padjechała milicyja, chłopcy syšli. Nikoha ź ich nie zatrymali.
Cichanoŭskaja pavinšavała tvitar z hadavinaj bitvy pad Oršaj. I tut pačałosia4
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary