U minskaha Kamaroŭskaha rynka źjavicca svaja słužba dastaŭki. Na sajt, praź jaki možna budzie rabić zakazy, ciapier zahružajucca tavary. Sistema pavinna pačać pracavać praź niekalki dzion. Tut.by daviedaŭsia, što možna budzie zamović i jak usio heta budzie funkcyjanavać.
Dyrektar novaj słužby dastaŭki Siarhiej kaža, što ŭsie pradukty, jakija jany źbirajucca dastaŭlać, buduć z Kamaroŭskaha rynku. Pavodle jaho słoŭ, na rynku raznastajnaja pradukcyja.
— Tut i fiermierskija jość: syr, tvaroh, huś, kačka, baranina, jałavičyna, trus, śvinina, — tłumačyć surazmoŭca, čamu vyrašyŭ vazić tavary mienavita z rynku. — My vybrali najlepšych pastaŭščykoŭ roznych tavaraŭ u roznych katehoryjach, ź imi i budziem supracoŭničać.
Heta značyć, nielha budzie zamović pradukty ŭ niejkaha peŭnaha pradaŭca, u jakoha pakupnik pryvyk ich brać, kali sam prychodzić na rynak.
— Da prykładu, mandaryny buduć sartavacca pa krainach, adkul pryviezieny. U apisańni možna budzie pahladzieć, jakija jany na smak: ci saładziejšyja, ci z kiślinkaj, — kaža dyrektar słužby dastaŭki. — Za jakaściu, vahoj i terminam prydatnaści praduktaŭ buduć sačyć śpiecyjalna navučanyja ludzi. My ručajemsia, što kupcu ŭ pakiet nie patrapić niešta hniłoje.
U katałohu dastaŭki budzie ŭ asnoŭnym toje, što nie kupiš u najbližejšaj kramie.
— Viadoma, buduć i tyja pradukty, što jość u kramie, ale nie ŭ luboj, — kaža Siarhiej.
Zakaz možna zrabić tolki na sumu ad 60 rubloŭ. Dastaŭka biaspłatnaja. Budzie i ekspres-dastaŭka na praciahu 2 hadzin. Ale tut užo pryjdziecca zapłacić 12 rubloŭ. Raskašelicca na dastaŭku treba budzie i tym, chto žyvie ŭ miežach 20 kiłamietraŭ za MKAD. Za kožny kiłamietr — 50 kapiejek.
«Jana pahražała mnie fizična, napadała seksualna». Alaksandr Rybak skardzicca na stałkierku4
Kamientary