Navukoŭcy praktyčna nie sumniajucca, što siaredniaja tempieratura ŭ śviecie ŭ pieryjad z 2010 pa 2019 hod stanie samaj vysokaj za ŭvieś čas nazirańniaŭ, piša bbc.com.

Pavodle papiarednich źviestak, apublikavanych Suśvietnaj mietearałahičnaj arhanizacyjaj (SMA) na klimatyčnym samicie ŭ Madrydzie, 2019 hod budzie adnym z dvuch abo troch samych ciopłych hadoŭ z momantu pačatku zamieraŭ tempieratury na płaniecie.

Kali ciapierašniaja tendencyja zachavajecca, 2015—2019 hady stanuć samym haračym piacihodździem za ŭvieś čas nazirańniaŭ.

U spravazdačy arhanizacyi ab hłabalnym paciapleńni za 2019 hod padajucca źviestki ad pačatku hoda da kastryčnika. Za hety pieryjad siaredniaja tempieratura pieravysiła na 1,1° C anałahičny pakazčyk 1850 hoda.

U mnohich častkach śvietu ŭ hetym hodzie było niezvyčajna haračaje nadvorje. Ciaplej čym zvyčajna było ŭ Paŭdniovaj Amierycy, Jeŭropie, Afrycy, Azii i Akijanii, a ŭ mnohich častkach Paŭnočnaj Amieryki było chaładniej, čym zvyčajna.

U červieni i lipieni Jeŭropa pieražyła dva pieryjady anamalna haračaha nadvorja. 28 červienia u Francyi była zafiksavana tempieratura 46°C, heta rekord dla krainy.

Tempieraturnyja rekordy byli pabityja ŭ Hiermanii, Niderłandach, Bielhii, Luksiemburhu i Vialikabrytanii. U Aŭstralii siaredniaja tempieratura była vyšejšaja za siaredniuju amal na hradus.

Uzrovień lasnych pažaraŭ u Paŭdniovaj Amierycy byŭ samym vysokim z 2010 hoda.

SMA źviazvaje rekordnyja tempieratury hetaha dziesiacihodździa z vykidam parnikovych hazaŭ, jakija źjaŭlajucca vynikam čałaviečaj dziejnaści — aŭtamabilnych vychłapaŭ, vysiečki lasoŭ, spalvańnia vuhalu na elektrastancyjach.

U 2018 hodzie kancentracyi ŭ atmaśfiery vuhlakisłaha hazu (SO2), mietanu i aksidu azotu dasiahnuli maksimalnaha ŭzroŭniu za ŭvieś čas nazirańniaŭ.

Pavodle infarmacyi SMA, paciapleńnie, jakoje nazirajecca apošnija 10 hadoŭ, upłyvaje na navakolny śviet. Lod rastaje na abodvuch polusach, a rost uzroŭniu suśvietnaha akijana z 1993 hoda, kali pačalisia spadarožnikavyja nazirańni, paskoryŭsia.

Pavyšeńnie siaredniaj tempieratury ŭpłyvaje nie tolki na pryrodu, ale i na ludziej. U śpiakotu asabliva pakutujuć pradstaŭniki starejšaha pakaleńnia.

Pryrodnyja kataklizmy, jakija raniej adbyvalisia raz u sto hadoŭ, stanoviacca ŭsio bolš častymi.

Spravazdača była abnarodavany na klimatyčnaj kanfierencyi, jakaja prachodzić u Madrydzie. Jaje ŭdzielniki na praciahu dvuch tydniaŭ buduć abmiarkoŭvać šlachi pa źnižeńni ŭzroŭniu vykidaŭ u atmaśfieru CO₂.

Клас
0
Панылы сорам
0
Ха-ха
0
Ого
0
Сумна
0
Абуральна
0