U Jekaciarynburhu nieviadomyja raźbili šybu ŭ adździaleńni pasolstva Biełarusi ŭ Rasii. Pra heta paviedamlaje miascovaje vydańnie Ura.Ru. Hetuju infarmacyju taksama paćvierdzili TUT.BY ŭ MZS Biełarusi.

Chulihany nie tolki raźbili akno, ale i spalili ściah Biełarusi. Na fłahštoku zastaŭsia tolki abhareły abryvak ściaha.

Dypłamatyčnaja misija znachodzicca ŭ samym centry Jekaciarynburha na praśpiekcie Lenina. Napad adbyŭsia nočču 25 listapada. 

«Pakul možam tolki paćvierdzić fakt chulihanskich dziejańniaŭ, u vyniku jakich było paškodžana majomaść adździaleńnia pasolstva ŭ Jekaciarynburhu. Viadziecca raźbiralnictva, vyśviatlajucca ŭsie abstaviny, na miescy pracujuć pradstaŭniki pravaachoŭnych orhanaŭ rasijskaha boku», — paviedamiŭ TUT.BY aficyjny pradstaŭnik MZS Biełarusi Anatol Hłaz.

Клас
0
Панылы сорам
0
Ха-ха
0
Ого
0
Сумна
0
Абуральна
0