U miedyjnaj prastory kułuarna iduć abmierkavańni reformaŭ, jakija ciapier pieražyvaje Jeŭrapiejskaje radyjo dla Biełarusi. Nieaficyjna možna było pačuć pra toje, što Jeŭraradyjo amal całkam zakryła varšaŭski ofis, a ź minskaj redakcyi byli skaročanyja supracoŭniki.
«NN» źviarnułasia pa kamientar da hałoŭnaha redaktara Jeŭraradyjo Paŭła Śviardłova. Jon patłumačyŭ situacyju nastupnym čynam: «Jak vy viedajecie, Jeŭraradyjo zarehistravana ŭ Jeŭrasajuzie i maje aficyjny ńjusrum u Minsku. Ciapier adbyvajecca restrukturyzacyja, źviazanaja z tvorčymi pytańniami.
My aptymizujem pracesy i štat supracoŭnikaŭ. Ale, biezumoŭna, u našych redakcyjach zastałosia nie pa dva čałavieki». Dastatkova kancylarski i suchi adkaz, za jakim zusim niezrazumieła, što ž za pracesy prachodziać u ŚMI.
Na pytańnie, što na siońnia ŭjaŭlaje ź siabie varšaŭski ofis Jeŭraradyjo, Śviardłoŭ admoviŭsia adkazvać. Pa tłumačeńnie situacyi «NN» źviarnułasia da čałavieka, jaki dobra abaznany ŭ pracy vydańnia.
«Usio prazaična i vielmi prosta: źmienšyłasia finansavańnie. Vielmi istotna. Pajšli na łahičnyja kroki, jakija varta było zrabić jašče siem hadoŭ tamu. Bo niama sensu hulacca ŭ radyjo, kali niama chvalaŭ», — patłumačyła nam krynica, jakaja zachacieła zastacca ananimnaj.
Skaračeńni ŭ varšaŭskim ofisie Jeŭraradyjo sapraŭdy adbylisia. Faktyčna tam zastałosia tolki kiraŭnictva ŚMI, a taksama buchhałteryja. Skaročanaj akazałasia žurnalistka i piśmieńnica Śviatłana Kurs.
«Ja atrymała paviedamleńnie ab skasavańni damovy ź Jeŭraradyjo ŭ suviazi ź likvidacyjaj majho pracoŭnaha miesca ŭ vyniku restrukturyzacyi», — skazała nam Śviatłana Kurs. Pakul jana dapracoŭvaje da 30 listapada, a što budzie paśla, skazać ciažka.
Ahułam z varšaŭskaha ofisu było skaročana piaciora čałaviek. Adbylisia skaračeńni i ŭ minskim ofisie Jeŭraradyjo.
Jeŭrapiejskaje radyjo dla Biełarusi pracuje ad lutaha 2006 hoda. Hałoŭny ofis ŚMI znachodzicca ŭ Varšavie. Ad 2009 hoda maje akredytacyju na pracu ŭ Biełarusi. Kiraŭnikom prajekta źjaŭlajecca Źmicier Novikaŭ.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Pamiatajecie pravakatara i danosčyka Jaŭhiena Kakojta? Jon ciapier taksama palitviazień7
Kamientary