Hramadstva4848

Viadučy ANT Ihar Tur: Jaŭhien Afnahiel — chto heta?

Telekanał ANT vypuściŭ siužet, u jakim raskrytykavaŭ aktyvista «Jeŭrapiejskaj Biełarusi» Jaŭhiena Afnahiela i telekanał «Jeŭrańjus» za aśviatleńnie im vybarčaj kampanii ŭ Biełarusi.

Viadučy ANT Ihar Tur.

Viadučy ANT Ihar Tur kaža:

«Hladžu — cikava ž. Pa tekście: «pradstaŭniki apazicyi nie prajšli ŭ biełaruski parłamient pa vynikach vybaraŭ». Nie prajšli, usio dakładna. «Usie 110 deputackich mandataŭ raźmierkavali pamiž saboj praŭradavyja partyi i ruchi». Pačynaju ŭžo trochi ŭśmichacca. Siarhiej Rumas, kiraŭnik urada, napeŭna, ździviŭsia, što ŭ jaho jość «praŭradavyja partyi». Aleh Hajdukievič, vy praŭradavy, ci što? «Praŭładnyja ruchi» — heta naohuł navat słaba «huhlicca», — razvažaje supracoŭnik ANT.

«Kali ABSIE nie pryznaje vybary, heta zrazumieła, a što za siły?» Ułady bačać niezadavolenaść u hramadstvie i bajacca prapuścić apazicyju ŭ parłamient» — advažnaja zajava. Ale ad kaho? Kaardynatar ruchu «Jeŭrapiejskaja Biełaruś» Jaŭhien Afnahiel… Chto heta?» — zadajecca pytańniem Ihar Tur.

Dalej jon aburajecca «Jeŭrapiejskaj Biełaruśsiu»:

«Vy ličycie, što biełarusy nie lubiać Łukašenku. Niejkija — moža być, vaš ruch — nu, chutčej za ŭsio. Ale vy kažacie za ŭsich biełarusaŭ. Tak sabie ideja. Heta jak kali ja i maje teleapieratary budziem ličyć, što vy — ahient Kramla, ale ŭ siužecie na ANT skažam «biełarusy ličać Afnahiela ahientam Kramla», — sprabuje iranizavać supracoŭnik ANT.

Jon padkreśliŭ, što dla padobnych zajaŭ ad imia ŭsich biełarusaŭ treba pravodzić sacapytańnie z dobraj vybarkaj i kolkaściu ŭdzielnikaŭ.

Tur zajaviŭ, što pradstaŭniki «Jeŭrapiejskaj Biełarusi» nie mocna imknulisia ŭdzielničać u vybarach.

«Byccam ža vašy aktyvisty (taksama dziŭnaje słova) spalili paśviedčańni kandydataŭ u deputaty. Sabrali 1000 podpisaŭ, byli zarehistravanyja, sami źniali svaje kandydatury i spalili paśviedčańni. A potym vaš kaardynatar daŭ intervju «Jeŭrańjus», u jakim skardzicca, što apazicyju nie puścili. Navošta vy heta robicie? Ideja! Voś kali ŭjavić, što heta — stratehija pa razvodzie sponsaraŭ na hrošy (maŭlaŭ, voś my tut utroch našym rucham amal zrynuli Łukašenka, jašče b nam hrošaj). I kali hety razvod spracuje — budzie vielmi kruta! Možna jašče hadok nie pracavać», — kaža viadučy ANT.

«Vy prajhrali, tamu što i nie zmahalisia. I ŭčarašniaje paražeńnie było častkaj vašaj vyjhryšnaj stratehii, chutčej za ŭsio, kab zarabić babki. I vy sami heta dobra razumiejecie», — dadaŭ Tur.

U zaklučeńnie jon adznačyŭ, što i sam telekanał «Jeŭrańjus» pastupiŭ nie zusim prafiesijna: «A dzie alternatyŭnaje mierkavańnie? Dzie statusny śpikier? Choć by z bolš statutnych apazicyjnych partyj Biełarusi? A nie «ruchaŭ»…».

Kamientary48

Padrabiaznaści teraktu Kryhiera pad Aziaryščam — razburanyja špały i nivodnaha paranienaha8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →