Makiej: Biełarusi i Rasii nieabchodna nie dapuścić źjaŭleńnia ŭ Jeŭropie rakiet siaredniaj i mienšaj dalokaści
Biełaruś i Rasija va ŭzajemadziejańni z zachodnimi partniorami pavinny nie dapuścić źjaŭleńnia ŭ Jeŭropie rakiet siaredniaj i mienšaj dalokaści. Pra heta zajaviŭ ministr zamiežnych spraŭ Biełarusi Uładzimir Makiej siońnia ŭ Maskvie na sumiesnym pasiadžeńni kalehij źniešniepalityčnych viedamstvaŭ Biełarusi i Rasii, piša BiełTA
«Asobna spyniusia na adnym z najbolš tryvožnych na siońniašni dzień vyklikaŭ — situacyi z Dahavoram ab likvidacyi rakiet siaredniaj i mienšaj dalokaści, — skazaŭ Uładzimir Makiej. — Jaho razbureńnie pryviało da rostu vajenna-palityčnaj napružanaści ŭ roznych rehijonach śvietu, u tym liku ŭ Jeŭropie. U hetaj situacyi va ŭzajemadziejańni z zachodnimi partniorami nieabchodna prykłaści maksimum namahańniaŭ, kab ni ŭ jakim razie nie dapuścić źjaŭleńnia na našym kantyniencie rakiet adpaviednych kłasaŭ».
Kiraŭnik MZS nahadaŭ, što na raspracoŭku dekłaracyi ab nieraźmiaščeńni takich rakiet u Jeŭropie nakiravana inicyjatyva Alaksandra Łukašenki, jakaja suhučnaja z prapanovaj Uładzimira Pucina pra maratoryj na hetyja ŭzbrajeńni ŭ rehijonie. «My raźličvajem na toje, što NATA taksama ŭśviedamlaje nieabchodnaść dyjałohu pa hetym pytańni», - padkreśliŭ Uładzimir Makiej.
Jon taksama adznačyŭ, što ŭ ciapierašni čas adnym z vyznačalnych faktaraŭ mižnarodnych adnosin źjaŭlajecca ŭstojlivaja tendencyja da razbureńnia sučasnaj architektury mižnarodnaj i jeŭrapiejskaj biaśpieki. «U liku pryčyn hetaha pracesu - kryzis davieru ŭ adnosinach pamiž krainami, jaki nieparyŭna źviazany z erozijaj isnujučaha instrumientara kantrolu nad uzbrajeńniami i nieraspaŭsiudžvańnia», - pierakanany ministr.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary