Polskaja naftahazavaja kampanija PGNiG siońnia padała «Hazpromu» dekłaracyju ab žadańni skasavać kantrakt na kuplu-prodaž pryrodnaha hazu, paviedamlaje Polskaje radyjo.
Praŭleńnie polskaj naftahazavaj kampanii PGNiG paviedamiła, što siońnia, paśla atrymańnia nieabchodnych karparatyŭnych uzhadnieńniaŭ, padała «Hazpromu» dekłaracyju ab žadańni skasavać kantrakt na kuplu-prodaž pryrodnaha hazu.
Staršynia ŭpravy PGNiG Piotr Voźniak skazaŭ, što asnoŭnaj pryčynaj, čamu kampanija nie pradoŭžyć kantrakt, źjaŭlajucca najpierš ceny syraviny, jakija vystaŭlaje «Hazprom» i nieabhruntavanyja zboi pastavak hazu.
- Za try hady da zakančeńnia dahavora, kali adzin z bakoŭ vyrašyć, što nia choča bolš supracoŭničać paśla zakančeńnia dahavora ŭ 2022 hodu, jon pavinien paviedamić ab hetym try hady zahadzia. My vyrašyli heta zrabić ciapier, kali ŭsie karparatyŭnyja uzhadnieńni vykananyja. Rašeńnie atrymała adabreńnie z boku naziralnaj rady kampanii i ministra enierhietyki. Siońnia my vyrašyli paviedamić ab hetym rasijskamu boku.
Tak zvany Jamalski dahavor byŭ zaklučany 25 vieraśnia 1996 hoda i dziejničaje da 31 śniežnia 2022 hoda
Na dumku praŭleńnia kampanii, PGNiG ažyćciaŭlaje stratehiju pa dyviersifikacyi napramkaŭ zdabyčy hazu paśla 2022 hoda. Havorka idzie pra zaklučeńnie kantraktaŭ na pastaŭku zvadkavanaha hazu, nabyćcio radoviščaŭ pryrodnaha hazu ŭ Paŭnočnym mory i pašyreńnie sistemy pieradačy. Hetyja zachady źjaŭlajucca nieabchodnymi dla zabieśpiačeńnia enierhietyčnaj biaśpieki Polščy i dazvalajuć spynić Jamalski kantrakt u adpaviednaści ź jaho pałažeńniami.
Kamientary