Ludzi epochi: top-25 asobaŭ, jakija stali hierojami maskultury biełaruskich nulavych

Pišam doŭhija teksty z 1906 hoda
© 2019 | Naša Niva

My ŭzhadali asob, jakija stali tvaram biełaruskich nulavych. Mnohija ź ich užo syšli ź vialikaj sceny, ale niekatoryja dahetul

zastajucca na słychu. Nižej — partrety hierojaŭ, jakija zrabili ź biełaruskich nulavych sapraŭdnuju epochu. Finalnaja častka prajekta «Biełaruskija nulavyja» z Samsung Galaxy A50.

Epocha, kali
svaje hieroi stali mahčymymi

Viadoŭcy tok-šou, zorki muzyčnych kanałaŭ, što nie vyklučalisia dniami, spartyŭnyja hieroi, za matčami i spabornictvami jakich my sačyli z takim niepadrobnym napružańniem i čakańniem pieramohi. Ale my zhadali nie tolki ich: byli asoby, jakija zadavali trendy ŭ litaratury, dyzajnie i mastactvie, jakija budavali novyja biznes-impieryi, rabili adkryćci ŭ miedycynie i stanavilisia najlepšymi na roznych arenach i placoŭkach.

2001

2002

2003

2000 2001 2002 2003 2004 2005 2006 2007 2008 2009

U 2000-ja našymi zorkami stanavilisia tyja, chto traplaŭ na telebačańnie. Heta byŭ harantavany šlach da pośpiechu, papularnaści i biaskoncaj lubovi aŭdytoryi.

Alaksandr Hleb

NAJLEPŠY FUTBALIST BIEŁARUSI 2002 — 2008. SEKS-SIMVAŁ NULAVYCH I ZORNY MUŽ.
SAMY PAŚPIACHOVY FUTBALIST KRAINY.

01

Hleb staŭ pieršym biełarusam, jaki zhulaŭ u finale Lihi čempijonaŭ, i pieršym, chto jaje vyjhraŭ. A ŭ Biełarusi paŭabaronca niekalki hadoŭ zapar pryznavaŭsia futbalistam hoda.

Pieršaj žonkaj Hleba była salistka hurta «Toples» Naścia Kasiankova. Ciapier spartoviec u šlubie z byłoj «Supiermadellu Biełarusi» Śviatłanaj Hubarevič. Što da futbolnaj karjery, to z hetaha hoda Alaksandr hulaje za kłub «Isłač».

Naša futbolnaja nadzieja 2000-ch. Pieršy prafiesijny kantrakt zaklučyŭ u 17 hadoŭ. U nulavyja vystupaŭ za topavyja jeŭrapiejskija kłuby: niamiecki «Štuthart», paśla — za anhlijski «Arsienał» i ispanskuju «Barsiełonu». U ispanskim kłubie jon atrymlivaŭ kala 500 tysiač dalaraŭ na miesiac!

NAŠA FUTBOLNAJA ZORKA

FUTBOŁ

Maksim Mirny

PIERAMOŽCA ALIMPIJADY-2012 U ŁONDANIE.
PIERŠAJA RAKIETKA ŚVIETU (2003) U PARNYM RAZRADZIE.
BREND-AMBASADAR ŠMATLIKICH KAMPANIJ.
RESTARATAR I BIZNESOVIEC.

02

U nulavych jon vyvieŭ našu zbornuju ŭ suśvietnuju hrupu Kubka Devisa (u pary z Vaŭčkovym), nie raz stanaviŭsia pieramožcam turniraŭ ATR, Vialikaha šlemu ŭ parnym razradzie i mikście. Na US Open u 2007-m jaho naparnicaj, darečy, była Viktoryja Azaranka. U 2003-m Mirny staŭ pieršaj rakietkaj śvietu ŭ parnym razradzie.

A ŭ 2012-m tenisist navat vyjhraŭ alimpijskaje zołata — znoŭ razam z Azaranka. Letaś tenisist skončyŭ prafiesijnuju karjeru.

Baćka ŭ jaho byŭ valejbalistam, maci — płyŭčychaj, tamu nie dziŭna, što syna addali ŭ sport. U tenisie jon z šaści hadoŭ. Pieršy Vialiki šlem jon zavajavaŭ jašče ŭ 1998-m — tady na Uimbłdonie jon vystupaŭ u źmiešanym razradzie razam ź Sierenaj Uiljams.

«ŹVIER»

TENIS

~~Čytaj jašče~~

Biełaruskija nulavyja
Častka 1

Moda i styl

Julija Nieściarenka

ČEMPIJONKA ALIMPIJADY-2004.
ZAJMAJECCA DABRAČYNNAŚCIU I KALEKCYJANUJE FIHURKI KATOŬ.

03

«Biełaja małanka» — prazvali jaje tady (Nieściarenka razburyła stereatyp pra niepieramožnaść ciomnaskurych atletak). Julija atrymała zvańnie zasłužanaha majstra sportu. Paźniej na čempijanach śvietu i Jeŭropy jana vyjhravała bronzu, ale paŭtaryć pośpiech Alimpijady tak i nie ŭdałosia — na hulniach u Piekinie biahuńnia dajšła tolki da paŭfinału. Čempijonka zamužam za spryntaram i svaim trenieram Dźmitryjem Nieściarenkam. Dva hady tamu jana syšła ź vialikaha sportu ŭ treniery.

21 žniŭnia 2004 hoda bresckaja lohkaatletka stała alimpijskaj čempijonkaj. Na hulniach u Afinach jana ŭziała zołata ŭ biezie na 100 mietraŭ i ŭstanaviła rekord krainy. Pra takoje nichto nie moh i maryć.

«BIEŁAJA MAŁANKA»

LOHKAJA ATLETYKA

Kaciaryna Karsten

VYRASŁA Ŭ VIOSCY, DZIE KAŁOŁA DROVY.
UŽO ALIMPIJSKAJ ČEMPIJONKAJ PRYJAZDŽAŁA DA BAĆKOŬ KAPAĆ BULBU.

04

Chto viedaje, jak skłałasia b jaje karjera, abiary jana ŭ dziacinstvie lohkuju atletyku — tady patencyjał vysokaj školnicy ŭbačyli adrazu niekalki trenieraŭ.

Karjeru Karsten skončyła tolki sioleta, u 47 hadoŭ! Užo 20 hod jana žyvie ŭ Hiermanii razam z mužam-biznesmienam. Ale ciapier, paśla zakančeńnia karjery, źbirajecca viarnucca na radzimu.

Zornaja doŭhažycharka biełaruskaha sportu, jana pačała zajmacca jašče ŭ SSSR. Dvuchrazovaja alimpijskaja čempijonka i šaścirazovaja čempijonka śvietu pa akademičnym viesłavańni.

«KACIARYNA VIALIKAJA»

VIESŁAVAŃNIE

Rusłan Salej

IKONA BIEŁARUSKAHA CHAKIEJA.
979 MATČAŬ U NCHŁ, 220 AČKOŬ,
FINAŁ KUBKA STENLI.
NIČOHA NIE BAJAŬSIA, ZASTUPAŬSIA ZA LUDZIEJ.

05

Chakieist zahinuŭ razam z rasijskaj kamandaj «Łakamatyŭ» 7 vieraśnia 2011 hoda — u avijakatastrofie pad Jarasłaŭlem. U Amierycy ŭ jaho zastalisia žonka i troje dziaciej. Paśla śmierci Saleja numar 24, pad jakim jon hulaŭ u nacyjanalnaj zbornaj, vyvieli z abaračeńnia. A paźniej jaho imia prysvoili Kubku Biełarusi.

Salej byŭ kapitanam zbornaj i nie raz pryznavaŭsia najlepšym chakieistam Biełarusi. Siarod zamiežnych kłubaŭ, dzie jon vystupaŭ, — «Anachajm», «Fłoryda», «Kałarada». U 2003-m spartoviec staŭ finalistam Kubka Stenli.

«RAŚCI»

CHAKIEJ

Andrej Aramnaŭ

SAMY VIADOMY ŠTANHIST KRAINY.
Ź NIADAŬNIAHA ČASU — BŁOHIER.
HIEROJ ŚVIECKAJ I KRYMINALNAJ CHRONIK.
Z TRYUMFAM VIARNUŬSIA Ŭ VIALIKI SPORT U 2019-M.

06

Praŭda, zapomniŭsia spartoviec nie tolki rekordami. Jaho zatrymlivali za pjanaje kiravańnie, pazbaŭlali pravoŭ i sadžali pad chatni aryšt, paśla čaho atlet prasiŭ prabačeńnia ŭ zaŭziataraŭ.

Aramnaŭ źbiraŭsia zaviaršyć karjeru praz traŭmy, ale letaś viarnuŭsia ŭ sport. Na niadaŭnim čempijanacie śvietu pa ciažkaj atletycy jon vyhraŭ srebra i źbirajecca ŭ nastupnym hodzie na Alimpijadu ŭ Tokia.

Zorny čas ciažkaatleta z Barysava prypaŭ na 2008 hod. Na Alimpijadzie ŭ Piekinie jon nie tolki prynios Biełarusi zołata, ale i ŭstanaviŭ try suśvietnyja rekordy — u ryŭku štanhi (200 kh), šturšku (236 kh) i pa sumie ryŭka i šturška (436 kh).

«VOŁAT»

CIAŽKAJA ATLETYKA

VIDEA

Aramnaŭ i 2000-yja

PRA ZORNY ČAS, TUSOŬKI I MABILNIKI

Lavon Volski

NARODNY PA PRYZVAŃNI.
HETA JON PRYDUMAŬ «TRY ČARAPACHI» I «PAVIETRANY ŠAR».
I SIOŃNIA LOHKA ŹBIRAJE ANŠŁAHI.

07

A paśla źjavilisia «čornyja śpisy» muzykaŭ, kudy trapiŭ i Volski, i kancerty ŭ Minsku, jak i ratacyja na radyjo, stali redkaściu.

«Jak ni dziŭna, hetaja zabarona raśpijaryła nas pa ŭsim śviecie. My pačali jeździć pa Stakholmach i Bierlinach, bo ŭsim chaciełasia pahladzieć na hetych dzikich źviaroŭ, jakich zabaranili. A tut vychodziać zvyčajnyja chłopcy i hrajuć zvyčajny rok», — raskazvaŭ Volski ŭ adnym ź intervju.

Jon padaryŭ nam N.R.M. i «Krambambulu». Pieršych čakali z hastrolami ŭ Polščy, druhich — na karparatyvach u Biełarusi. Mienavita ŭ nulavyja ŭpieršyniu prahučali «Try čarapachi», «Lohkija-lohkija», «Absent» i «Hości», jakija my napiavajem i siońnia.

«ROK-KAROL»

MUZYKA

~~Čytaj jašče~~

Biełaruskija nulavyja
Častka 2

Spažyvańnie

J:MORS

AŬTAR BIEŹLIČY CHITOŬ.
PIEŚNIU «NIE PAMIRAJ» PISAŬ HOD,
«ŽYVI» — TRY CHVILINY.
RAŹBIVAŬ MABILNIKI AB ŚCIANU.
ADNOJČY AD ZŁOŚCI PIERAKULIŬ CHAŁADZILNIK.

08

Samaja zahadkavaja — pra visłavuchuju pryncesu, jakaja sa svajho akienca hladzić na kryžyki. Jak raskazvaŭ Uładzimir Puhač, jaho siabra-suaŭtar pryśviaciŭ hetyja radki kankretnaj dziaŭčynie, jakaja žyła ŭ Minsku nasuprać vajskovych mohiłak.

Samyja viadomyja chity — «Pryncesa», «Majo sonca», «Nie pamiraj» — byli napisany akurat u nulavyja. A ŭ 2007 hodzie hurt vypuściŭ albom «Adlehłaść», jaki całkam składaŭsia ź biełaruskamoŭnych piesień.

Adzin z samych zaŭvažnych rok-hurtoŭ biełaruskaj sceny. Pačynali jaho Uładzimir Puhač i Arciom Ladoŭski, krychu paźniej dałučyŭsia Raman Arłoŭ. J:MORS pryznavali hurtom hoda na premii «Rok-karanacyja», nad tekstami ich piesień dumała ŭsia kraina.

«MORS»

MUZYKA

Bjanka

ŚPIAVAŁA Ŭ CHORY I CHADZIŁA NA HURTOK NARODNYCH TANCAŬ.
A PAŚLA PRYJŠOŬ REPIER SIAROHA — I PANIESŁASIA: «BYLI TANCY», «PRA LETA»...

09

Paznavalnaść joj pryniesła pieśnia «Lebiadzinaja», jakaja stała saŭndtrekam da bajevika «Boj ź cieniem». A potym čarty ŭzarvaŭ chit «Byli tancy», i Bjanka stała hučać na kožnaj dyskatecy.

Nu i paniesłasia: premii MTV, 7 albomaŭ, klipy z haračymi tancami… Abiary jana «Jeŭrabačańnie», karjera, peŭna, była b nie takoj jarkaj.

Jana Lipnickaja rodam ź Minska. Kaliści vystupała z arkiestram Finbierha i mahła pajechać ad Biełarusi na «Jeŭrabačańnie», ale zamiest hetaha abrała supracoŭnictva z repieram Siaroham.

«KARALEVA NARODNAHA AR-N-BI»

MUZYKA

Lucyja Łuščyk

KALIŚCI MY VIEDALI JAJE JAK BŁANDZINKU
LUSIU ŁUŠČYK — VIDŽEJA PIERŠAHA MUZYČNAHA.
SIOŃNIA HETA JARKAJA BRUNIETKA
LUCYJA HIERAŠČANKA — TVAR ANT.

10

Na konkursie «Televiaršynia» ŭ 2008-m joj dastaŭsia pryz hladackich simpatyj. Imidž dziaŭčyny całkam adpaviadaŭ duchu nulavych: błandzinka z hryŭkaj, u karotkich šortach i z dekalte. «Čym hłybiejšaje, tym vyšejšyja rejtynhi», — kamientavała svoj vobraz sama viadučaja.

Paźniej Lucyja źmianiła i styl (ciapier heta brunietka ŭ elehantnych sukienkach), i proźvišča (vyjšła zamuž za biznesmena Andreja Hieraščanku). Akramia telebačańnia, Lucyja sprabuje siabie ŭ akciorstvie — u asnoŭnym heta roli ŭ sieryjałach.

U 2000-ja jana była papularnym vidžejem na Pieršym muzyčnym kanale i telaviadučaj na ANT (dzie, darečy, jana siońnia viadzie «Našu ranicu»). Kali b my abirali hałoŭnuju biełaruskuju teledzivu 2000-ch, to heta b była niesumnienna jana.

«TELEDZIVA 2000-Ch»

MUZYKA

Kacia Pytleva

VIADOŬCA PAPULARNAJ PRAHRAMY TB 2000-Ch «5×5».
ŚPIAVAČKA, AŬTARKA TEKSTAŬ I MUZYKI.
LUBIĆ KATACCA NA ROVARY.

11

My bačyli jaje viadučaj na BT, STB, Pieršym muzyčnym kanale, čuli pa radyjo. Pytleva była vakalistkaj i aŭtarkaj piesień rok-hurta «Klondajk».

Siońnia jana zapisvaje kaviery i praciahvaje zajmacca žurnalistykaj — zdymaje prahramy dla partała Tut.by i pracuje ŭ efiry na niekalkich radyjostancyjach.

Pracavać na telebačańni jana pačała ŭ 14 hadoŭ. Režysiorka moładzievaha tok-šou «5ch5» tady telefanavała pa minskich škołach, kab znajści aktyŭnych padletkaŭ, jakija mahli b stać karespandentami, i dyrektarka adnoj ź ich prapanavała školnicu Kaciu.

«HOŁAS EFIRAŬ 2000-Ch»

MUZYKA

Łarysa Hrybalova

JAJE PRAHRAMU «USIO NARMALNA, MAMA!»
VIEDAŁA ŬSIA KRAINA.
PRACAVAŁA Ŭ ARKIESTRY FINBIERHA.
MARYŁA BYĆ NASTAŬNICAJ PAČATKOVYCH KŁASAŬ I NAVAT ATRYMAŁA PIEDAHAHIČNUJU ADUKACYJU.

12

Pasprabavała siabie Hrybalova i ŭ roli śpiavački: vypuściła muzyčny albom «Što-niebudź» i navat zapisała niekalki klipaŭ (ich režysioram byŭ viadučy Jahor Chrustaloŭ). A taksama zasnavała premiju «50 paśpiachovych ludziej Minska», jakaja pasprabavała pradstavić biełarusam haradskuju elitu novaha tysiačahodździa.

Siońnia Łarysa, akramia kancertaŭ, zajmajecca dabračynnaściu i biznesam — maje svajo śviatočnaje ahienctva.

Nulavyja stali zornym časam dla Łarysy Hrybalovaj. Jana była viadučaj mnohich teleprahram: «Usio narmalna, mama», «Ranišniaja pošta», «Dobraj ranicy, Biełaruś». Tady ŭ efir vychodziła taksama pieradača «U łožku z Łarysaj Hrybalovaj», dzie artystka viała načnyja razmovy ź sielebryci.

TVAR TB 2000-Ch

TELEBAČAŃNIE

Dźmitryj Kałdun

DAŬ NADZIEJU NA PIERAMOHU Ŭ «JEŬRABAČAŃNI».
U DZIACINSTVIE SAROMIEŬSIA ŚPIAVAĆ PRAZ ASUDŽEŃNIE BABULI: MAŬLAŬ, SAPRAŬDNY MUŽČYNA PAVINIEN PRACAVAĆ NA ZAVODZIE.

13

U 2007-m jon pradstaŭlaŭ Biełaruś na «Jeŭrabačańni», dzie zaniaŭ 6-je miesca — najlepšy vynik našaj krainy za ŭsiu historyju ŭdziełu ŭ konkursie. Pradziusiravaŭ śpievaka tady Filip Kirkoraŭ. Paśla, praŭda, skardziŭsia, što Biełteleradyjokampanija jamu za padrychtoŭku artysta niedapłaciła.

Kałdun udzielničaŭ u roznych telešou z zorkami, atrymaŭ rasijskuju premiju «Załaty hramafon». «Minsk — radzima, a Maskva — rabočaja placoŭka», — kazaŭ jon u adnym ź intervju.

Papularnym śpiavak staŭ paśla pieramohi ŭ teleprajekcie «Fabryka zorak». Choć heta šou było nie pieršym, dzie jon udzielničaŭ: da taho Dźmitryj paśpieŭ zaśviacicca ŭ «Narodnym artyście», ale ŭ vobrazie błandyna hledačam zapomniŭsia nie asabliva.

POP-ZORKA 2000-Ch

MUZYKA

~~Čytaj jašče~~

Biełaruskija nulavyja
Častka 3

Mastactva

Ksienija Sitnik

PAČAŁA KAR'JERU NA TB U 12 HOD.
INSTAHRAM-BŁOHIERKA. PIŠA.
ZAJMAJECCA CHATCHA-JOHAJ.

14

Za pryzavoje miesca dziaŭčyncy z Mazyra dziaržava tady padaryła dvuchpakajovuju kvateru ŭ Minsku, a mamu Śviatłanu Stacenku, jakaja rychtavała dačku da «Jeŭrabačańnia», zaprasili ŭznačalić Nacyjanalny centr muzyčnych mastactvaŭ imia Mulavina.

Praz kolki hod Ksiuša vypuściła albom «Respublika Ksienija», a potym źnikła sa sceny. Ciapier dziaŭčynie 23 hady. Muzyčnuju karjeru jana praciahvać nie stała — advučyłasia va ŭniviersitecie ŭ Prazie, pracuje fešn-žurnalistkaj. U Čechii dziaŭčyna adkryła taksama svaju viasielnuju studyju.

Kali Ksiuša pajechała na dziciačaje «Jeŭrabačańnie», joj było 10 hadoŭ. Takoj my jaje i zapomnili — u ružovaj pyšnaj spadnicy, z dvuma chvościkami i zvonkim «o-a-o». Jana stała pieršaj ź biełarusaŭ, chto pieramoh na hetym konkursie.

«O-A-O! O-A-O!»

MUZYKA

Aleś Muchin

HOŁAS I ROZUM ELITARNAHA TELEKŁUBA.
MAJE DŹVIE «KRYŠTALNYJA SAVY».
U MAŁADOŚCI JAMU ŬSIE PRAROČYLI KAR'JERU PALITYKA.
KALIŚCI PRADAVAŬ KABAČKI NA KAMAROŬCY.

15

Muchin viadomy i jak biznesmen. Jon kiravaŭ parfiumiernaj kampanijaj, biełaruskim filijałam «Jeŭrasietki», a potym — kampanijaj «Karavan», jakaja pastaŭlaje harbatu i kavu.

Aleś Muchin dahetul hulaje ŭ elitarnym kłubie «Što? Dzie? Kali?», viadzie ŭ Biełarusi karparatyŭnyja turniry.

Samy viadomy biełaruski znatok i kapitan kamandy ŭ kłubie «Što? Dzie? Kali?». U 2004-m Muchin atrymaŭ svaju pieršuju «Kryštalnuju savu». A praź piać hadoŭ staŭ viadučym biełaruskaha telekłuba.

ŚVIECKI INTELEKTUAŁ 2000-Ch

BIZNES

VIDEA

Muchin i 2000-yja

PRA BIZNES I «ŠTO? DZIE? KALI?»

Vadzim Hałyhin

VYVUČAŬ BAJAVOJE SAMBA.
LUBIĆ FUTBOŁ. FANAT BATE.
CHODZIĆ Ź DZIEĆMI NA KANCERTY MAKSA KARŽA.

16

Paśla, jak i mnohija kevezešniki, Hałyhin vystupaŭ u Comedy Club na TNT z žartami na miažy fołu — admietnaść humaru nulavych. Jon byŭ adnym z aŭtaraŭ prahramy «Naša Belarussia», jakuju krucili na TB. «My nie trubim na kožnym rahu, što my samyja lepšyja. Nie trubim, bo našy truby cichieńka pampujuć naftu i haz», — hučała na zastaŭcy.

Sioleta šoŭmen i aŭtar klipa «8 sakavika» staŭ namieśnikam staršyni Biełaruskaj fiederacyi MMA.

Vypusknik Vajennaj akademii byŭ zorkaj KVZ. U składzie kamandy BDU jon staŭ čempijonam Vyšejšaj lihi 2001 hoda. Vy ž pamiatajecie hetyja minijaciury — pra dzieda Pichto, bubnista ŭ trecim pakaleńni («jašče moj dzied kali hraŭ, usia vioska źbirałasia — i ŭ les») i Alaksandra Łukašenku («darahija ženščyny i mužčynščyny»).

SAMY VIASIOŁY BIEŁARUS 2000-Ch

HUMAR

Ivan Ajpłataŭ

STVARALNIK KULTAVAHA MIADŹVIEDZIA — SUMKI, JAKAJA STAŁA ART-AB'JEKTAM.
MARYĆ PIERADAĆ DZIECIAM SVAJU SPRAVU.
NOSIĆ SVAJU MUZU PAD MYŠKAJ (Z SABOJ).

17

A ŭ 2009-m prydumaŭ lehiendarnaha miadźviedzika — sumku, baksiorskuju palčatku i art-abjekt adnačasova. Niadaŭna pravy na hety aksiesuar vykupili anhličanie.

U apošnija hady Ajpłataŭ byŭ kreatyŭnym dyrektaram fabryki «Elema» i adkryŭ razam z dyzajnieram sumak Paŭłam Panaskinym svaju kramu. Razam ź Ivanam nad brendam pracuje jaho dačka.

Samy viadomy biełaruski dyzajnier byŭ buntarom u śviecie mody. Svajho tydnia mody ŭ Minsku jašče nie było, tamu novyja kalekcyi Ivan Ajpłataŭ prezientavaŭ u Maskvie. Jon stvaraŭ kaściumy dla «Lapisa Trubiackoha», «Leprykonsaŭ», «Mantany» i Siarhieja Źvierava.

STVARALNIK TRENDAŬ

MODA 2000-Ch

VIDEA

Ajpłataŭ i 2000-yja

PRA PIERŠY HLANIEC, TUSOŬKI I MODU BIEŁARUSAŬ

Vadzim Prakopjeŭ

PRYCHILNIK DRES-KODU I DOBRYCH MANIER.
LIČYĆ, ŠTO ANHLIJSKAJA MOVA PAVINNA STAĆ TRECIAJ DZIARŽAŬNAJ.

18

Nulavyja restaratar uspaminaje jak epochu «strymanaha aptymizmu»:

«Minčanie siadzieli ŭ niešmatlikich kafe, čakali, kali ŭ nas budzie, jak u Rasii: svaboda ŭ biznesie, šmat durnych naftavych hrošaj, raskoša jak nacyjanalnaja ideja. Zdavałasia, što my samyja adstałyja. Zdavałasia, što ŭsie vakoł prasunulisia, a my adny ŭ «saŭku». Treba adznačyć, što ŭ tych, chto «adstavaŭ», byli niekatoryja hustoŭnyja pieravahi. Heta ciapier u Minsku na kožnym rahu karaokie i kaljan, a tady ja dumaŭ, što my adnojčy staniem elehantnaj jeŭrapiejskaj pravincyjaj».

Samy viadomy minski restaratar. U jaho News Café i Grand Café chacieła paviačerać ŭsia zamožnaja publika. Stoliki tam zamaŭlali i sielebryci, i čynoŭniki. Uładalnik elitnych restaranaŭ i sam vyhladaŭ adpaviedna — zaŭsiody ŭ kaściumie ź ihołački, z aceńvajučym pozirkam i rezkim słoŭcam napahatovie.

LEHIENDARNY RESTARATAR

BIZNES

Maks Starcaŭ

UKŁADVAŬSIA Ŭ BIZNES NIE HRAŠYMA,
A MAZHAMI.
LIČYĆ, ŠTO NASAMREČ NIE ŬMIEJE ZARABLAĆ.
KALI NIE Ŭ STASUNKACH, CHODZIĆ UVIEŚ ČAS NA SPATKAŃNI.

19

«Reaktar» byŭ adnym ź lubimych miescaŭ staršakłaśnikaŭ i studentaŭ nulavych — alternatyŭ jamu nie było. Varušyć minskija tusoŭki Starcaŭ praciahnie i ŭ 2010-ch, kali novym miescam pryciahnieńnia moładzi stanie jaho kłub Re:Public. A jaho syn Maks adkryje bary «Chulihan» i «4-4-2».

Dyrektar kancertnaha ahienctva «Kancept-styl» i kultavaha minskaha kłuba «Reaktar» zadavaŭ rytm kulturnamu žyćciu stalicy. Jon pryvoziŭ siudy hurty In Flames, Lacrimosa, «Bumboks», Noize MC.

TUSOŬŠČYK

BIZNES

Aleh Rumo

ČAŁAVIEK, JAKI DAŬ NOVAJE ŽYĆCIO TYSIAČAM BIEŁARUSAŬ.
PASTAVIŬ NA PATOK BIASPŁATNYJA APIERACYI,
JAKIJA ZA MIAŽOJ KAŠTUJUĆ DZIASIATKI TYSIAČ DALARAŬ.

20

Siońnia Rumo ŭznačalvaje RNPC transpłantacyi orhanaŭ i tkanak. U tym liku dziakujučy jamu ŭ hetu halinu miedycyny ŭdałosia pryciahnuć hrošy, a Biełaruś uvajšła ŭ dziasiatku krain pa orhannym donarstvie. Vybitnaha chirurha nie raz klikali na pracu za miažu — naprykład, u Pakistan za 15 tysiač dalaraŭ u miesiac.

Ź jaho imiem źviazana raźvićcio biełaruskaj transpłantałohii. Aleh Rumo ź siamji miedykaŭ. Paśla vučoby ŭ mieduniviersitecie stažyravaŭsia ŭ Hiermanii, a ŭ 2008-m pieršym u našaj krainie zrabiŭ pierasadku piečani — bryhada daktaroŭ pad jaho kiraŭnictvam apieryravała 12 hadzin.

SAMY VIADOMY CHIRURH BIEŁARUSI

TRANSPŁANTAŁOIJA

Juryj Zisier

STVARALNIK BIEŁARUSKAHA INTERNETU.
PAČAŬ Z ELEKTRONNAJ POŠTY, A Ŭ VYNIKU ZRABIŬ HAŁOŬNY SAJT KRAINY.

21

Zisier byŭ taksama adnym z zasnavalnikaŭ pieršaj biełaruskaj ličbavaj haziety «Ježiednievnik» i sajta «Vielviet». «Patryjarch bajnetu», jak nazvaŭ jaho paet Kanstancin Michiejeŭ. Siarod jaho biznesaŭ taksama kampanija «Rełsoft» — rezident Parka vysokich technałohij.

U 1990-ch inžynier-prahramist pa adukacyi, stvaryŭ kampaniju «Nadziejnyja prahramy», jakaja zajmałasia raspracoŭkaj prahramnaha zabieśpiačeńnia elektronnych bankaŭskich technałohich. A ŭ nulavyja zapuściŭ partał Tut.by i chostynh-pravajdar hoster.by.

PAČYNALNIK INTERNET-EPOCHI

BIZNES

~~Čytaj jašče~~

Biełaruskija nulavyja
Častka 4

Technałohii

Viktar Kisły

PIERŠY BIEŁARUSKI MILJARDER.
NAVUČYŬ BIEŁARUSAŬ HULAĆ U TANČYKI.
RASPRACAVAŬ SVAJU PIERŠUJU HULNIU Ŭ 17 HOD.
SKONČYŬ FIZIČNY FAKULTET, TAMU ŠTO BAĆKA NASTAJAŬ.

22

Zatoje World of Tanks, raspracavany ŭ kancy nulavych, chutka nabraŭ abaroty. Sakret papularnaści byŭ u anłajn-farmacie i ŭłasna tankach — dahetul asnoŭnymi hierojami ŭ padobnych hulniach rabili piachotu. U stvareńnie WoT Kisły razam z partniorami ŭkłaŭ 10 miljonaŭ dalaraŭ.

Siońnia «tančyki» taki ž brend Biełarusi, jak małočka i vyšyvanka. Kampanija Wargaming maje 20 ofisaŭ pa ŭsim śviecie, a sam Kisły ŭ 2016 hodzie, pa acenkach Bloomberg, staŭ dołaravym miljarderam.

Jaho pieršyja kampjutarnyja hulni nie zdabyli pośpiechu. Massive Assault, «Apieracyja «Bahracijon», Order of Wa'r choć i byli na vajennuju tematyku, ale aŭdytoryi nie zajšli.

PAČYNALNIK INTERNET-EPOCHI

BIZNES

Aleh Chusajenaŭ

PRADAŬ TYSIAČY NOVYCH AŬTO BAHATYM BIEŁARUSAM. ADUKACYJU ATRYMAŬ U AVIJACYJNYM INSTYTUCIE. NIE VIERYĆ VA ŬDAČU. ALE VIERYĆ, ŠTO ŠANCUJE MOCNAMU. MIECENAT. ŠMATDZIETNY BAĆKA.

23

U nulavyja jaho mižnarodny chołdynh «Atłant-M» pradavaŭ kala 20 aŭtamabilnych brendaŭ. U 2008-m vyručka kampanija skłała bolš za 2,3 miljarda dalaraŭ. A praz dva hady biznesmen stvaryŭ kampaniju «Zubr Kapitał» — pieršuju ŭ Biełarusi, jakaja zajmałasia kiravańniem pramych inviestycyj. Chusajenaŭ układaŭ hrošy ŭ raźvićcio bankaŭskaj śfiery, IT, farmaceŭtyki.

Druhi važny dla Chusajenava nakirunak — sučasnaje biełaruskaje mastactva. U 2000-ch biznesmien aktyŭna padtrymlivaŭ biełaruskich mastakoŭ i asabista źbiraŭ žyvapis taho času. Pryvatnaja kalekcyja «Zubr Kapitał» — adna z najbujniejšych u krainie.

Jašče adnaja jarkaja asoba ajčynnaha biznesu. Kaliści jon pačynaŭ zvyčajnym inžynieram na Minskim zavodzie chaładzilnikaŭ, a potym staŭ zaŭvažnym hulcom aŭtarynku.

PAČYNALNIK INTERNET-EPOCHI

BIZNES

Viktar Hančarenka

PIERŠYM Z TRENIERAŬ VYVIEŬ BIEŁARUSKI KŁUB U LIHU ČEMPIJONAŬ.
PA ŚVIEDČAŃNIACH PADAPIEČNYCH, STROHI, ALE SPRAVIADLIVY.
DAHETUL SIABRUJE Z CHŁOPCAMI Z CHOJNIKAŬ, Ź JAKIMI ROS.

24

Fiškaj Hančarenki na poli staŭ śpiecyfičny padkat. Supierniki aścierahalisia maładoha hulca, jaki ryzykoŭna i niečakana kidaŭsia pad nohi, vybivajučy miač z-pad bucaŭ supiernika. Za tyja piać hod, što futbalist byŭ u kamandzie, BATE dvojčy stanaviłasia čempijonam Biełarusi. 2002 hod padzialiŭ karjeru Viktara Hančarenki na «da» i «paśla»: praz surjoznuju traŭmu, atrymanuju z-za taho samaha padkatu, hulać u kamandzie jon bolš nie moh. Tady Viktaru było 25 hod. Heta vymusiła futbalista pierakvalifikavacca.

U 2007-m jon staŭ trenieram BATE, i ŭžo praz hod kamanda vyjšła ŭ Lihu čempijonaŭ, a Hančarenka nadoŭha staŭ samym maładym trenieram u historyi turniru. Nu a ciapier Hančarenka vyciskaje maksimum z futbalistaŭ maskoŭskaha CSKA.

TRENIER-TRYUMFATAR

FUTBOŁ

Futboł dla jaho pačaŭsia ŭ rodnych Chojnikach na Homielščynie, dzie Vicia ź inšymi chłopcami haniaŭ miač pa dvary. Paśla byŭ Minski RUAR, paśla – BATE, dzie i pryjšła słava.

Arkadź Dobkin

STVARYŬ KITA Ŭ ŚFIERY IT – EPAM. DAVIOŬ AMIERYKANCAM, ŠTO Ŭ BIEŁARUSI KŁASNYJA PRAHRAMISTY. LIČYĆ, ŠTO TREBA RYZYKAVAĆ. PRYJAZDŽAJE Ŭ MINSK 10-12 RAZOŬ NA HOD.

25

Pieršy surjozny prajekt zdaryŭsia ŭ 1994-m: heta była šviejcarskaja kampanija Bally, što vyrablała abutak. Im treba było prydumać rašeńnie dla kiravańnia składami i łahistykaj. Paśla trapiłasia jašče adna bujnaja ryba – Colgate-Palmolive. A paśla ścipłuju kamandu Dobkina z čałaviek dziesiaci zaŭvažyła SAP — lidar na rynku prahramnaha zabieśpiačeńnia dla biznesu. Heta byŭ ahłušalny pośpiech. Praz try-čatyry hady ŭ EPAM pracavała ŭžo 200 čałaviek. U 2012-m hodzie – 7 000.

Sioleta kampanija ŭvajšła ŭ śpis «100 samych chutkarosłych kampanij» pa viersii časopisa Fortune. Z 2015 hoda, kali EPAM pieršy raz ŭvajšła ŭ sotniu, prybytki pavialičylisia bolš čym udvaja. Siońnia ŭ kampanii pracuje bolš za 33 000 supracoŭnikaŭ u 30 krainach śvietu.

Atrymaŭšy ŭ minskim univiersitecie śpiecyjalnaść «inžynier elektratechniki», jon u 1991-m emihruje ŭ Złučanyja Štaty. I ŭžo praz 2 hady źjaŭlajecca novaja kampanija – EPAM Systems.

SUSTVARALNIK IT-KRAINY