U Rasii sałdat-tataryn rasstralaŭ 8 sasłužyŭcaŭ, bo jany chacieli jaho zhvałcić
Sałdat terminovaj słužby Ramil Šamsutdzinaŭ rasstralaŭ svaich tavaryšaŭ pa słužbie ŭ vajskovaj čaści ŭ rasijskim Zabajkalli z-za pahrozy jaho «apuścić». Adpaviednyja pakazańni jon daŭ vajennamu śledstvu, ich pryvodzić vydańnie Baza.
Pa słovach Šamsutdzinava, paśla taho, jak jon pastupiŭ na słužbu, u jaho skrali — «dakładniej, adabrali telefon». Pra hety incydent radavy nie paviedamiŭ baćkam, a tolki schavaŭ sim-kartu, kab pieryjadyčna ŭstaŭlać jaje ŭ čužyja telefony i telefanavać rodnym. Małady čałaviek adznačyŭ, što akramia telefona ŭ jaho adbirali hrošy.
«Kamu skardzicca? Śmiešna. Paviedamlać prosta niama kamu. Kamu mnie paviedamlać, kali sami aficery mianie i bili? Dumaŭ uciačy, ale ž usio začyniena. Što mnie było rabić?» — patłumačyŭ jon.
Jak śćviardžaje Šamsutdzinaŭ, u toj ža dzień aficery abiacali jaho «apuścić». Usio pavinna było adbycca paśla varty. «Tak i skazali, papiaredzili, što typu zhvałciać», — praciahnuŭ padazravany.
Jon dadaŭ, što da jaho ŭžo «apuskali» inšych maładych, i ŭ toj viečar była jaho čarha. «Kali mianie zatrymali, mianie vielmi mocna bili, ja dumaŭ, kali ščyra, što pamru», — skazaŭ na zakančeńnie Ramil.
Incydent u vajskovaj častcy ŭ Zabajkalli adbyŭsia 25 kastryčnika. Šamsutdzinaŭ pry źmienie varty zastreliŭ vaśmiarych tavaryšaŭ pa słužbie, pieršym byŭ zabity kamandzir roty. Radavy adrazu zdaŭsia hrupie antyteroru, a na dopycie zajaviŭ, što nie škaduje ab zroblenym.
Členy tatarskaha «ŭrada ŭ vyhnańni» zaklikali ziemlakoŭ da bajkotu słužby ŭ rasijskaj armii
-
«Na abočynie lažyć trup mužčyny». Surjoznaja avaryja na trasie Minsk — Homiel
-
U Hrodnie hanialisia za taksistam-kamikadze. Jon abhaniaŭ pa dźviuch pałosach na sustrečcy
-
Šnobiel-2024: chto zdolny dychać praz anus, jak adździalić pjanych čarviakoŭ ad ćviarozych i ci možna hołuba vykarystać dla naviadzieńnia rakiet
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?30
Kamientary