The Washington Post paviedamlaje, što Donald Tramp ź pieršych dzion svajoj pracy ŭ Biełym domie adčuvaŭ «šalonuju nianaviść» da kiraŭnictva Ukrainy.

U svaim materyjale vydańnie spasyłajecca na dziejučych i byłych supracoŭnikaŭ administracyi prezidenta.

Krynicy spasyłalisia na majskuju sustreču Trampa z daradcami ŭ Avalnym kabiniecie. Na joj prezidenta sprabavali pierakanać, što novy ŭkrainski lidar Uładzimir Zialenski zasłuhoŭvaje padtrymki ZŠA.

Tady kiraŭnik Biełaha doma ličyŭ, što kiraŭnictva Ukrainy znachodziłasia ŭ zmovie z demakratami, kab padarvać jaho prezidenckuju kampaniju 2016 hoda.

Na hetaj ža sustrečy Tramp skazaŭ, što ŭkrainskija čynoŭniki «žudasnyja, karumpavanyja ludzi».

«My nikoli nie mahli hetaha zrazumieć. Byli abvinavačvańni ŭ tym, što jany niejkim čynam pracavali z kampanijaj Klintan. Byli abvinavačvańni, što jany mahli naškodzić jamu. Jon prosta nienavidzieŭ Ukrainu», — zajaviŭ čynoŭnik Biełaha doma.

Клас
0
Панылы сорам
0
Ха-ха
0
Ого
0
Сумна
0
Абуральна
0