U hramadzianki Vjetnama z kartki skrali hrošy. Jana źviarnułasia ŭ milicyju Maładziečna
19-hadovaja hramadzianka Vjetnama, žycharka Minska, stała čarhovaj achviaraj machlaroŭ ŭ internecie. Padziei raźvivalisia pa standartnaj schiemie — pad padstavaj hrašovaha pieravodu.
Dziaŭčyna ŭ sacsietcy paviedamiła svajmu 20-hadovamu znajomamu rekvizity bankaŭskaj apłatnaj karty, a taksama nieabchodnyja kody dla dostupu i paćviardžeńnia apieracyj.
Adnak zamiest zaličeńnia hrašovych srodkaŭ złamyśniki z kart-rachunku skrali 18 000 rasijskich rubloŭ. Ab śpisańni hetaj sumy dziaŭčyna daviedałasia z sms-paviedamleńniaŭ, jakija pryjšli na mabilny telefon.
U hetyja dni dziaŭčyna pryjechała pahaściavać da svajakoŭ u Maładziečna, raspaviali ŭ pres-słužbie Maładziečanskaha RAUS. Uśviadomiŭšy, što rekvizity kartki patrapili ŭ čužyja ruki, jana nieadkładna źviarnułasia ŭ rajonny adździeł milicyi. Supracoŭniki hrupy pa raskryćci złačynstvaŭ u śfiery vysokich technałohij Maładziečanskaha RAUS praviali pravierku.
Vyśvietliłasia, što ŭlikovy zapis maładoha čałavieka, ź jakim dziaŭčyna pierapisvałasia ŭ sacsietcy i padzialiłasia kanfiedycyjnaj infarmacyjaj, uzłamali.
Pavodle jaho słoŭ, paviedamleńni z prośbaj pieradać rekvizity bankaŭskich kart byli razasłanyja niekalkim karystalnikam sa śpisu siabroŭ.
Ciapier vyśvietlić asoby, jakija mieli dačynieńnie da kradziažu hrošaj, nie ŭjaŭlałasia mahčymym. Hieahrafija miescaznachodžańnia IP-adrasoŭ złamyśnikaŭ šyrokaja — ad Rasii da Indyi.
Raspačali kryminalnuju spravu pa č. 2 art. 212 KK Respubliki Biełaruś (Kradziež z vykarystańniem kampjutarnaj techniki).
Milicyja nastojliva rekamienduje zastavacca pilnymi i nie śpiašacca davać piersanalnyja dadzienyja. Lepš asabista źviazacca ź ludźmi, jakija źviartajucca z takimi prapanovami. Kali vy zapadozryli surazmoŭcu ŭ ašukanskich dziejańniach, nieabchodna nieadkładna źviarnucca ŭ pravaachoŭnyja orhany. Akramia taho, pieradavać kanfidencyjnuju infarmacyju bankaŭskich płaciežnych kartaŭ trecim asobam zabaroniena.
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary