Sud Minskaha rajona vynies rašeńnie pa spravie ab zdareńni ŭ parku aktyŭnaha adpačynku «Kolt» u Ratamcy, dzie taksa «razarvała» tvar dziciaci. Haspadaru sabaki dali štraf, piša Tut.by

Heta byŭ administracyjny praces. Sprava razhladałasia pa č. 2 art. 15.47 KaAP (Parušeńnie praviłaŭ utrymańnia sabak, katoŭ i (abo) drapiežnych žyvioł, što paciahnuła pryčynieńnie škody zdaroŭju ludziej). Na haspadara sabaki Alaksandra Varaksu nakłali štraf 30 bazavych vieličyń (765 rubloŭ).

Nahadajem, u žniŭni 8-hadovuju dačku minčanki Kaciaryny Vajniłovič-Jasiučeni zaprasili na dzień naradžeńnia. Dziciačaje śviata prachodziła ŭ parku aktyŭnaha adpačynku ŭ Ratamcy. Pakul baćki imianińnicy apłačvali kvest, dzieci apynulisia pobač z taksaj inšych adpačyvalnikaŭ.

Kaciaryna Vajniłovič-Jasiučenia — mama Kiry-Damieniki. Fota: Darja Burakina, TUT.BY

Kaciaryna Vajniłovič-Jasiučenia — mama Kiry-Damieniki. Fota: Darja Burakina, TUT.BY

Pa słovach Kaciaryny, sabaka «parvaŭ» tvar jaje dački Kiry-Daminiki, dzicia apieravali, bolš za tydzień dziaŭčynka praviała ŭ balnicy. Alaksandr Varaksa, haspadar sabaki, kazaŭ, što ŭ toj dzień adbyŭsia žachlivy źbieh abstavinaŭ. Psa Amura ŭkusiła asa. Sabaku pryviazali krychu dalej ad altanki, dzie byŭ jaho ŭładalnik. Kali Kira z kampanijaj padyšli da žyvioły, pobač znachodziŭsia siabar Alaksandra. Nadzvyčajnaje zdareńnie adbyłosia ŭ ličanyja chviliny. Što mienavita stała pryčynaj biady, haspadar na toj momant nie razumieŭ, jon mierkavaŭ, što dziaŭčynka nachiliłasia, kab pacałavać sabaku.

Клас
0
Панылы сорам
0
Ха-ха
0
Ого
0
Сумна
0
Абуральна
0