Vinavatym u masavaj načnoj avaryi ŭ Breście akazaŭsia 22-hadovy ćviarozy kiroŭca
Parušeńnie chutkasnaha režymu stała pryčynaj načnoha DTZ u Breście, paviedamiła karespandentu BIEŁTA pres-sakratar MUS Volha Čamadanava.
Incydent adbyŭsia kala 1.50 u Breście na vulicy Kastryčnickaj revalucyi (viaślarny kanał). Aŭtamabil BMW, za rulom jakoha byŭ 22-hadovy miascovy žychar, sutyknuŭsia z pryparkavanymi la kraju prajeznaj častki BMW, Mitsubishi, Ford i Chrysler.
«Nichto nie paciarpieŭ, mašyny atrymali miechaničnyja paškodžańni. Jak patłumačyŭ kiroŭca, jon abraŭ niapravilnuju chutkaść ruchu i nie spraviŭsia z kiravańniem», — skazała Volha Čamadanava.
Małady čałaviek byŭ ćviarozy. U dačynieńni da jaho składzieny administracyjny pratakoł pa č.5 so.18.22 KaAP (parušeńnie praviłaŭ prypynku i stajanki transpartnaha srodku, a taksama inšych praviłaŭ darožnaha ruchu). Jaho aštrafavali.
Kamientujučy słovy vidavočcaŭ pra toje, što avaryja adbyłasia padčas načnych honak, pradstaŭnica MUS zajaviła TUT.BY: «My možam z upeŭnienaściu kazać tolki pra toje, što pryčynaj DTZ stała parušeńnie kiroŭcam chutkasnaha režymu».
Nočču ŭ Breście adbyłasia masavaja avaryja. Kažuć — nielehalnyja aŭtahonki VIDEA
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki37
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary