Daśledavańnie: hiejami nie naradžajucca — hiejami stanoviacca
Daśledavańnie, jakoje pravodziłasia mižnarodnaj hrupaj navukoŭcaŭ z ZŠA, Vialikabrytanii, Šviecyi i Danii pa inicyjatyvie Nacyjanalnaha instytuta zdaroŭja ZŠA, i jakoje atrymała finansavańnie adtul ža, pakazała, što akramia hienietyčnaj schilnaści da homaseksualnaści, upłyŭ na raźvićcio adnapołych adnosin akazvajuć sacyjalnyja i ekałahičnyja faktary.
U chodzie daśledavańnia navukoŭcami byli praanalizavany hieny amal 500 000 čałaviek jeŭrapiejskaha pachodžańnia z Brytanii i ZŠA. Atrymaŭšy DNK, daśledčyki vyvučyli suviaź pamiž hienietyčnaj infarmacyjaj i adnapołymi adnosinami, pra jakija zajaŭlali tyja, chto pieradaŭ svoj bijałahičny materyjał dla navukoŭcaŭ.
Atrymanyja vyniki pakazali, što isnuje hienietyčnaja schilnaść da adnapołych adnosin, ale jana nie takaja značnaja jak ekałahičnyja i sacyjalnyja faktary.
«Jak i ŭ vypadku ź inšymi pavodzinnymi rysami, takimi jak asoba, nie isnuje adzinaha «hiena hieja», — kaža daśledčyk Andrea Hanna. — Zamiest hetaha na adnapołyja seksualnyja pavodziny, padobna, upłyvajuć sotni ci tysiačy hienaŭ, kožny ź jakich maje svoj mały efiekt». Navukoŭcy vyjavili suviaź hienietyčnych markieraŭ z adnapołym seksualnymi pavodzinami. Ale, na dumku navukoŭcaŭ, u kankretnym daśledavańni nie bolš za 25% vypadkaŭ adnapołych adnosin možna patłumačyć vyklučna hienietykaj. Asobna daśledčyki padkreślili, što hieny, źviazanyja z adnapołymi seksualnymi pavodzinami, častkova supadajuć z hienami, źviazanymi ź psichičnymi rasstrojstvami, takimi jak šyzafrenija i depresija. Heta moža być vynikam dyskryminacyi ludziej, jakija majuć pałavyja kantakty ź ludźmi taho ž połu.
Aŭtary daśledavańnia padkreślivajuć, što analizavali hienom ludziej jeŭrapiejskaha pachodžańnia. Tamu ich vysnovy nielha prajecyravać na ŭsio nasielnictva płaniety Ziamla.
Miechanizm moža pracavać zusim inakš u žycharoŭ inšych rehijonaŭ płaniety i pradstaŭnikoŭ inšych etničnych hrup.
KDB zatrymaŭ žančynu, z doma jakoj było źniata videa padzieńnia šachieda ŭ Kalinkavičach4
Kamientary