Ale ŭ peŭnyja hadziny i z płatnym uvachodam
Pra toje, što siadziba «Litoŭka», što pad Navahrudkam, adčyniaje znoŭ svaje dźviery paśla trahičnaj śmierci jaje ŭładalnika Siarhieja Kovala, paviedamiła jaho dačka Kaciaryna na staroncy siadziby ŭ instahramie.
«Z zaŭtrašniaha dnia Litoŭka znoŭ adčyniaje svaje dźviery. My budziem rady bačyć vas štodnia z 12:00 da 21:00. Płanaŭ na dalejšaje raźvićcio šmat, chaciełasia b uvasobić u realnaść usio, što zadumaŭ Siarhiej. Ale na heta patrebny čas i srodki. Tamu ščyra spadziajemsia na razumieńnie, što nie budzie abureńniaŭ, što ŭvachod ciapier płatny. 4 rubli — darosły, 2 rubli — dzieci da 10 hadoŭ», — paviedamlajecca ŭ abjavie.
Heta infarmacyja vyklikała siarod kamientataraŭ niekatoryja abureńni, ale bolšaść vykazali słovy padtrymki Kaciarynie.
Jana ŭ svaju čarhu napisała:
«Miesca raniejšym, viadoma, užo nie budzie, ale ja pasprabuju zrabić usio mahčymaje dla jaho adradžeńnia, kab tata mnoj hanaryŭsia».
Nahadajem, što biznesmien Siarhiej Koval pajšoŭ z žyćcia 1 studzienia. I z hetaha dnia niezvyčajnaja siadziba była zakrytaja dla naviedvańniaŭ.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy5
Kamientary