Usiaho patrochu1818

Pahladzicie, jakija jarkija hrafici ŭpryhožyli vulicy Minska FOTY

U Minsku prachodzić čarhovy fiestyval Vulica Brasil, u ramkach jakoha ŭ horadzie źjaŭlajucca novyja murały. Pahladzicie, jak jany vyhladajuć u pracesie stvareńnia.

OSGEMEOS (45 hadoŭ, San-Paŭłu, Brazilija)

Što malujuć: «Žoŭty hihant 2»

Dzie malujuć: vuł. Kastryčnickaja, 16

Art-anioły Vulica Brasil OSGEMEOS znoŭ viartajucca ŭ Minsk! Na hety raz sa značnaj metaj: pakinuć svajaka Hihantu na brazilskaj ambasadzie.

Hustava i Atavia Pandolfa ličacca adnymi z samych viadomych stryt-artystaŭ u śviecie. Jany pačali malavać jašče ŭ dalokich 80-ch, kali aŭtamabili byli vostravuholnymi, a chip-chop tolki ołdskulnym. Jak i ŭ muzycy, viedy pra vuličnuju kulturu ŭ Brazilii spačatku čerpalisia sa Štataŭ, ale praź niekalki hadoŭ mastaki nie tolki vypracavali svoj ułasny styl, ale i paŭpłyvali na brazilski stryt-art u cełym, staŭšy suśvietnymi zorkami.

Ich piersanažy — žoŭtyja čałaviečki — prysutničajuć na bolšaści rabot bliźniukoŭ i daŭno stali ich svojeasablivym brendam. U 2015 hodzie OSGEMEOS uchutali ŭ ciopłyja abdymki žoŭtaha čałaviečka adnu sa ścien budynka brazilskaj ambasady ŭ Miensku. Sioleta jany nanieśli na mapu svaich prac i vypieščanuju Kastryčnickuju — hihant źjaviŭsia ŭ dvoryku Ok16.

Alexei Antony (22 hady, Mahiloŭ, Biełaruś)

Što maluje: murał «Harmonija»

Dzie maluje: vuł. Kastryčnickaja, 16 k.20

Pačaŭ zajmacca vuličnym mastactvam z nalepak, paśla zachapiŭsia stensiłami, a dalej pierajšoŭ na admysłovy žyvapis: staŭ zapaŭniać formy ŭzorami, što z časam pierarasło ŭ aŭtarski styl. Antony udzielničaje ŭ fiestyvale z 2014 hoda, asiściruje brazilskim mastakam, a sioleta pradstavić paŭnavartasny aŭtarski murał. Jaho zadumka — niejki vobraz, jaki jość u kožnym z nas, jaki adlustroŭvaje harmoniju, uzajemadziejańnie asobnych elemientaŭ u składanaj sistemie.

Hyper (38 hadoŭ, Biełu-Aryzonty, Brazilija)

Što maluje: murał «Kaapora»

Dzie maluje: vuł. Kastryčnickaja, 16/3

Mastak, prazorliviec i artyst, a taksama hraficist, tatuiroŭščyk, videamejkier, muzykant i rehi-vykanaŭca. U svaich pracach Hyper spasyłajecca na staražytnyja kultury, karennyja narody i ich viedy, mastactva i duchoŭnaść, siłu pryrody, pošuk čałaviečaj pryrody, parazumieńnia pamiž ludźmi i harmonii z suśvietam, u jakim my žyviom. Dla Vulica Brasil jon zadumaŭ murał «Kaapora», što značyć «toj, chto žyvie ŭ lesie». Hety murał mastak zachacieŭ stvaryć u samym zialonym zakutku Kastryčnickaj — pa druhi bok MZKR kala raki.

Bruno Big (39 hadoŭ, Rya-de-Žanejra, Brazilija)

Što maluje: murał «Dahladaj svoj sad»

Dzie maluje: vuł. Kastryčnickaja, 16 k.3

Bruna — śpiecyjalist u halinie historyi mastactvaŭ. Adzin ź jaho samych znakavych prajektaŭ — stvareńnie sieryi abrazkoŭ kultury Brazilii na kašulach nacyjanalnaj zbornaj pa futbołu. U Miensku Bruna stvoryć vialiki sad z pryhožym miesiedžam: «Sakret nie ŭ tym, kab haniacca za matylkami, a ŭ tym, kab kłapacicca pra svoj sad, i tady matylki prylaciać sami».

Criola (29 hadoŭ, Rya-de-Žanejra/Biełu-Aryzonty, Brazilija)

Što maluje: murał «Karani»

Dzie maluje: vuł. Traścianieckaja, 11

Criola — heta manifiest, ci jak jana siabie nazyvaje, artivist. Dla jaje mastactva — heta srodak baraćby za pravy čornych žančyn. U svaich pracach jaje cikaviać brazilskaja fłora, kulturnaja raznastajnaść, čornyja, indziejcy i haradskija lehiendy. Jana ciesna złučana z modaj, adtul jana dadaje tekstury i ŭzory. Mastačka ŭžo padaryła svaje kolery Brazilii, Partuhalii, Francyi, a zaraz i Biełarusi, dzie jana — pieršaja žančyna-chedłajnier festu z pačatku jaho isnavańnia.

Mastak ź Lidy Jaŭhienij Maciuta «Covek» aformiŭ scenu i čyłaŭt-zonu mifałahičnymi piersanažami z kazačnaha sadu.

Kamientary18

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja2

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →