Minčanka paprasiła znajomaha vyjechać z parkoŭki na arendnym aŭto — i atrymała štraf $2600
Minčanka Anhielina raspaviała partału abw.by pra svoj vopyt karystańnia karšerynhavym servisam Hello. Zvyčajnaja, na pieršy pohlad, situacyja skončyłasia skandałam i pahrozaj hihanckaha štrafu.
Pa słovach žančyny, jana ŭziała šerynhavaje aŭto. Vyjechać z parkoŭki było składana, tamu znajomy, jaki byŭ z Anhielinaj, prapanavaŭ dapamohu. U vyniku jon sieŭ za styrno, vyruliŭ z parkoŭki, dalej kiravała Anhielina.
Ale kampanija vyrašyła, što Anhielina parušyła damovu i pieradała aŭto treciaj asobie, što zabaroniena. Štraf — 10 bazavych, hetu sumu (255 rubloŭ) adrazu pasprabavali śpisać z kartki, ale na rachunku nie chapiła hrošaj. A paźniej vypisany štraf pavialičyŭsia da 5200 rubloŭ — heta bolš za $2500!
Viersija karšerynhavaj kampanii nastupnaja:
«Da nas źviarnuŭsia adzin z klijentaŭ z prośbaj pravieryć akaŭnt čałavieka, jaki pačaŭ paśla jaho arendu aŭtamabila. Cprava ŭ tym, što małady čałaviek, jaki znachodziŭsia za styrnom, startavaŭ na ručniku. Padčas pravierki my vyśvietlili, što akaŭnt naležyć dziaŭčynie».
Kampanija dazvaniłasia da Anhieliny, jana pieradała słuchaŭku svajmu siabru. Toj paćvierdziŭ, što z parkoŭki vyjechaŭ jon.
Spačatku kampanija vyrašyła pakarać Anhielinu štrafam 10 bazavych. Anhielina spačatku nibyta pahadziłasia, ale paźniej jaje maci zładziła skandał i nastojvała na sudovym raźbiralnictvie.
255 rubloŭ kampanija tak i nie atrymała. Tady Anhielinie nakiravali dasudovuju pretenziju ab spahnańni niaŭstojki, u pamiery praduhledžanym damovaj, a mienavita 204 bazavych (5200 rubloŭ).
Kampanija zapeŭnivaje, što sprabavała mirna vyrašyć situacyju, ale cyvilizavanaha dyjałohu z Anhielinaj i jaje maci tak i nie atrymałasia.
Kropka ŭ hetaj historyi pakul nie pastaŭlenaja. Pakul što Anhielina i karšerynhavaja kampanija tak i nie damovilisia. Štraf žančyna taksama jašče nie spłaciła: kaža, što takich hrošaj prosta nie maje.
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady20
Kamientary