Piasiec z Narviehii ździviŭ usich: prabieh 3500 km u Kanadu za dva miesiacy
Maładaja palarnaja lisica pieramiaściłasia z uschodniaha ŭźbiarežža narviežskaha archipiełaha Špicbierhien na kanadski vostraŭ Ełśmir za dva z pałovaj miesiacy, pieraadoleŭšy bolš za 3500 km, što vyklikała hłybokaje ździŭleńnie ŭ zaołahaŭ, paviedamlaje Bi-bi-si.
Daśledniki z narviežskaha Palarnaha instytuta zamacavali na ciele samki palarnaj lisicy pryładu GPS i ŭ kancy sakavika minułaha hoda vypuścili jaje na volu na ŭschodnim uźbiarežžy hałoŭnaha vostrava archipiełaha Špicbierhien.
Lisie było mienš za hod, kali jana adpraviłasia na zachad u pošukach ježy, dasiahnuŭšy Hrenłandyi ŭsiaho praz 21 dzień paśla startu i pieraadoleŭšy 1512 kiłamietraŭ.
Dalej lisica prystupiła da druhoha etapu vialikaha padarožža, i naturalisty zaŭvažyli jaje ŭžo na kanadskaj vyśpie Ełśmir — jašče na 2 tys. kiłamietraŭ na zachad ad sa Špicbierhiena. Adlehłaść jana pieraadoleła za 76 dzion.
Asabliva ŭraziła daśledčykaŭ nie stolki adlehłaść, kolki chutkaść, ź jakoj jana jaje pakryła - u siarednim krychu bolš za 46 kiłamietraŭ u dzień, a ŭ niekatoryja sutki žyviolina pieraadolvała pa 155 kiłamietraŭ.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy13
Kamientary