Kaštoŭnaja znachodka časoŭ paleazojskaj ery zroblenaja ŭ Čyrvonasłabodskim rudniku. Na kavałku zdabytaj z šachtavaha pola parody rabotniki zaŭvažyli niezvyčajny malunak, jaki akazaŭsia pareštkami rakaskarpijona, paviedamlaje BiełTA.

Rakaskarpijon źjaŭlajecca pierachodnaj formaj pamiž marskimi i suchaputnymi členistanohimi. Navukoŭcy aceńvajuć uzrost takich znachodak u 350-360 młn hadoŭ. Heta značyć, jany adnosiacca da atrada eŭrypterydaŭ, jakija žyli ŭ devonski pieryjad paleazojskaj ery, jaki praciahvaŭsia 60-61 młn hadoŭ, byŭ adznačany pieršym vychadam žyvioł na pavierchniu sušy. Ličycca, što rakaskarpijony mahli dasiahać 2 m i byli samymi bujnymi členistanohimi, što isnavali na Ziamli. U kancy paleazoju ich vycisnuli z vodnaj stychii bujnyja drapiežniki — ryby. Na sušy naščadkami rakaskarpijona stali pavuki i skarpijony.

U miescy vyjaŭleńnia znachodki, pa śćviardžeńni hałoŭnaha hieołaha «Biełaruśkalija» Alaksieja Kłabuka, znachodziłasia staražytnaje mora. Rakaskarpijon trapiŭ u apadkavyja adkłady hlinistych čaścic biez dostupu kisłarodu i inšych hazaŭ. Tak jon zachavaŭsia na miljony hadoŭ, pakul nie ŭpaŭ na kanviejer, patrapiŭšy zatym u samachodny vahon i ŭ ruki šachcioraŭ.

Fota: esoligorsk.by.

Fota: esoligorsk.by.

Клас
0
Панылы сорам
0
Ха-ха
0
Ого
0
Сумна
0
Абуральна
0