Danone padała ŭ sud na «Savuškaŭ pradukt» z-za ŭpakoŭki johurtu
Arbitražny sud Maskvy 11 červienia zarehistravaŭ pazoŭ AT «Danon Rasija» da biełaruskaha «Savuškava pradukta». Rasijskaja jurydyčnaja asoba Danone patrabuje spahnać ź biełaruskaha vytvorcy małočnych praduktaŭ 88,2 młn rub. (1,36 młn dalaraŭ), vynikaje z materyjałaŭ suda, piša RBK
Danone adstojvaje ŭ sudzie svaje aŭtarskija pravy na dyzajn upakoŭki praduktaŭ, rastłumačyŭ RBK pradstaŭnik rasijskaha ofisa kampanii. Havorka idzie pra liniejku «Aktyvia», u joj pradstaŭleny johurty, tvaražki, kiefirnyja pradukty. Pa viersii Danone, u 2018 hodzie kampanija «Savuškaŭ pradukt», jakaja taksama vypuskaje johurty ź bifidabakteryjami, źmianiła dyzajn svajoj liniejki «Optymal», zrabiŭšy jaje padobnym z dyzajnam «Aktyvia». U Danone śćviardžajuć, što źmienieny dyzajn małočnaj pradukcyi «Optymal» źjaŭlajecca pierapracoŭkaj firmovaha stylu «Aktyvia».
Da taho jak padać pazoŭ, kampanija, paviedamiŭ pradstaŭnik Danone, nieadnarazova infarmavaŭ «Savuškaŭ pradukt» pra toje, što ličyć svaje pravy parušanymi i patrabavała źmianić dyzajn «Optymal», ale ni na adzin list z pretenzijami biełaruskaja kampanija nie adreahavała.
Danone tracić na raspracoŭku dyzajnu i prasoŭvańnie «kałasalnyja srodki» i nie maje namieru mirycca z parušeńniem aŭtarskich pravoŭ, zajaviŭ pradstaŭnik kampanii.
U «Savuškavie pradukcie» na momant publikacyi na zapyt RBK nie adkazali.
Kamientary