Rumynija padtrymała źmienu ŭłady ŭ Małdovie praz try dni paśla abrańnia novaha ŭrada
Ministerstva zamiežnych spraŭ Rumynii ŭ svajoj zajavie vykazała aficyjnuju padtrymku źmienie ŭłady ŭ Małdovie, zajaŭlajučy pra lehitymnaść dziejańniaŭ parłamienta ŭ pracesie farmiravańnia kaalicyi i novaha ŭrada. Jak paviedamlaje «Jeŭrapiejskaja praŭda», zajava rumynskaha MZS u suviazi z padziejami ŭ Małdovie była apublikavana ŭ aŭtorak.
U zajavie ministerstva padkreśliła, što kirujučuju kaalicyju i novy ŭrad sfarmavaŭ parłamient, «abrany demakratyčnym šlacham na vybarach 24 lutaha».
U hetym kantekście MZS Rumynii adznačyła, što Rumynija jak stratehičny partnior Małdovy ličyć, što «ŭ demakratyčnaj dziaržavie vola naroda, vykazanaja na hałasavańni i adlustravanaja ŭ palityčnaj kanfihuracyi parłamienta, — heta adzinaje, što zabiaśpiečvaje lehitymny palityčny praces, zasnavany na dyjałohu».
Rumynija taksama vykazała poŭnuju hatoŭnaść praciahvać supracoŭnictva z Małdovaj pry ŭmovie, što Małdova budzie ćviorda i paśladoŭna praciahvać jeŭrapiejski kurs, u tym liku ŭkaraniajučy Pahadnieńnie ab asacyjacyi ź ES, a taksama pravodzić reformy.
«Rumynija taksama vysoka šanuje zachavańnie aktualnaści pazicyi Respubliki Małdova pa prydniastroŭskim pytańni, z zachavańniem terytaryjalnaj cełasnaści Respubliki Małdova ŭ jaje mižnarodna pryznanych miežach i biez parušeńnia jaje prajeŭrapiejskaha viektara», — havorycca ŭ zajavie.
MZS Rumynii taksama zaklikała da spakoju i strymanaści i adznačyła nieabchodnaść pavahi pryncypaŭ viaršenstva prava i zabieśpiačeńnia mirnaha i ŭsioabdymnaha pierachodu da vychadu z kryzisu.
Nahadajem, z suboty ŭ Małdovie faktyčna skłałasia dvojeŭładździe z dvuma ŭradami i parłamienckaj bolšaściu, lehitymnaść jakoj papiaredniaja ŭłada nie pryznaje.
Parłamienckaja bolšaść u składzie prarasijskaj Sacpartyi i prajeŭrapiejskaha błoka ACUM abrała kiraŭnictva parłamienta i pryznačyła ŭrad na čale z prajeŭrapiejskim premjeram Majaj Sandu.
Papiaredniaja ŭłada ličyć usie subotnija rašeńni parłamienta nielehitymnymi. Abodva baki abvinavačvajuć adzin adnaho va ŭzurpacyi ŭłady.
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary