Za dva dni ŭ Kazachstanie za ŭdzieł u mitynhach byli zatrymanyja kala 700 čałaviek. Pra heta paviedamiŭ aficyjny pradstaŭnik MUS respubliki Nurdylda Araz, pieradaje vydańnie Zakon.kz.

Pradstaŭnik viedamstva adznačaje, što ŭ pieršy dzień niesankcyjanavanaj akcyi, jaki supaŭ z dniom praviadzieńnia daterminovych prezidenckich vybaraŭ, byli zatrymanyja kala 500 čałaviek. Jašče prykładna 200 hramadzian byli zatrymanyja na nastupny dzień, 10 červienia. Akramia taho, Araz adznačyŭ, što kala 550 zatrymanych pratestoŭcaŭ u vyniku byli pryciahnutyja da adkaznaści. Astatnich adpuścili paśla prafiłaktyčnaj hutarki.
9 i 10 červienia ŭ haradach Nur-Sułtan i Ałma-Aty prajšli akcyi pratestu, udzielniki jakich vystupali suprać praviadzieńnia nielehitymnych na ich pohlad vybaraŭ.
Kamientary