Aleś Zaleŭski pracavaŭ na «Biełsacie» ad momantu stvareńnia telekanała ŭ 2008 hodzie. Spačatku jon pracavaŭ u varšaŭskim biuro, byŭ viadučym pieradačy «Tydzień u Abjektyvie».
Zaleŭski niejki čas źjaŭlaŭsia tvaram telekanała.
Potym žurnalist viarnuŭsia z Polščy ŭ Biełaruś. Źjaŭlaŭsia aŭtaram cykłu «Repartaž Zaleŭskaha», a potym pieradačy «Ludskija spravy».
Sam Aleś Zaleŭski tłumačyć, što sychodzić z telekanała biez kanfliktu z kiraŭnictvam.
«Ja addaŭ «Biełsatu» tracinu žyćcia, jon staŭ častkaj mianie. Ja trapiŭ na telekanał 21-hadovym chłopcam. U mianie była sustreča z dyrekcyjaj telekanała, dzie my abmierkavali maju rolu ŭ siońniašnim telekanale. Na žal, na siońnia nie znojdziena takich formaŭ, jakija mahli b nas zadavalniać, kab jany mahli vystralnuć, jak niekali «Ludskija spravy». Nie vyklučaju, što supracoŭnictva ŭ niejkim farmacie budzie praciahnuta. Ciapier ja znachodžusia ŭ Kazachstanie, dzie pracuju nad dakumientalnym prajektam. Jašče try miesiacy ja budu źjaŭlacca supracoŭnikam telekanała. Za hety čas ja płanuju znajści siabie, zrazumieć, kudy ruchacca dalej», — skazaŭ nam Aleś Zaleŭski.
Alesiu Zaleŭskamu 32 hady, jon rodam z Abuchava z-pad Hrodna. Žanaty, baćka dvaich dziaciej.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary