Hramadstva66

Sud aštrafavaŭ minskaha ajcišnika na tysiaču rubloŭ za raspaŭsiudžvańnie ekstremisckaj abrevijatury praz fejsbuk

IT-kansultanta Hleba Rubanava abvinavačvali ŭ tym, što 5 sakavika jon raspaŭsiudziŭ u Fejsbuku abrevijaturu A**AB, pryznanuju ekstremisckaj.

«Narešcie stała viadoma što mnie inkryminujuć raźmiaščeńnie čatyrochlitarnaj abrevijatury PAD postam (u kamientarach) na staroncy Hleb Rubanau. Pryčym technična heta vyhladaje tak: kamientar ad imia Hleb Rubanau pad postam utrymlivaje link na post inšaha karystalnika Fejsbuk. Fejsbuk aŭtamatyčna adlustroŭvaje preview taho posta, na jaki idzie spasyłka, i ŭ miežach hetaha preview bačna fatahrafija, na jakoj vyjaŭleny płakat z abrevijaturaj. I navat kali druhi karystalnik pamianiaje fatahrafiju ŭ svaim dopisie (naprykład, dadaść vyjavu z zabaronienaj abrevijaturaj), jana hetak ža źmienicca i ŭ linku karystalnika ź imieniem Hleb Rubanau, — zajaviŭ Hleb Rubanaŭ pierad pačatkam sudovaha pasiadžeńnia. — U mianie vielmi šmat pytańniaŭ, i ja budu namahacca, kab jany byli razhledžanyja ŭ hetym ža pasiadžeńni».

Hleb vinavatym siabie nie pryznaŭ, tamu što nie ŭstanoŭlenaja asoba, jakaja raźmiaściła vyjavu z abrevijaturaj u sietcy Fejsbuk. Jak IT-śpiecyjalist, Hleb ličyć, što ŭstanaŭleńnie MUS takich asob pryncypova niemahčyma. Takimi dadzienymi vałodaje tolki amierykanski siehmient Fejsbuka. Adzinaja infarmacyja, jakuju mohuć dakładna ŭstanavić biełaruskija siłaviki razam z Fejsbukam, — heta IR-adras karystalnika. Adnak naŭrad ci karparacyja Fejsbuk vydaść biełaruskim siłavym orhanam, ź jakoha IR-adrasu byŭ pakinuty peŭny kamientar. Navat kali tak — dakazać asobu, jakaja raźmiaściła dopis, amal niemahčyma. Heta moža być luby čałaviek, jaki, naprykład, viedaje parol ad vaj-faja. Tak što mahčymaści identyfikavać asobu ŭ siecivie amal niama, kali sprava nie źjaŭlajecca vyklučnaj i da jaje nie padklučać Interpał.

IT-kansultant admoviŭsia adkazvać na pytańnie sudździ, ci zarehistravany jon u sietcy Fejsbuk, pakolki jon nie pavinien dakazvać svaju nievinavataść i śviedčyć suprać siabie.

Jak patłumačyŭ Hleb Rubanaŭ u sudzie, 21 sakavika pamiž 19 i 20 hadzinami viečara jamu na chatni telefon pazvaniŭ čałaviek, jaki pradstaviŭsia jak učastkovy Bieły, i zaprasiŭ pryjści na hutarku ŭ ramkach pravierki pa spravie fłešmobu «#iaekstremist». Hleb spytaŭ, u jakim statusie jaho zaprašajuć. Kapitan Bieły skazaŭ, što administracyjnaha pracesu niama, pravodzicca pravierka. Adnak u toj momant u Hleba nie było mahčymaści pryjści ŭ aporny punkt. Kapitan Bieły prapanavaŭ pryjści damoŭ da Hleba, ale apošni nie mieŭ mahčymaści stasunkavać z supracoŭnikami milicyi ŭ toj viečar.

Hleb prapanavaŭ sustrecca ŭ nastupnyja dni, ale jamu skazali, što heta niemahčyma. Pry hetym jon zaŭvažyŭ, što hatovy źjavicca ŭ aporny punkt pry naležnym afarmleńni vykliku.

Adnak milicyjanty nie zdoleli hetaha zrabić. Tady jany skłali niekampietentny pratakoł i biez podpisaŭ asoby, u dačynieńni da jakoj viadziecca sprava, nakiravali ŭ sud. Ale sud viarnuŭ jaho nazad.

I voś u 4.30 ranicy 7 maja Hlebu Rubanavu znoŭ pazvanili na chatni i paviedamili, što niejki vandał hramić u rajonie mašyny, i paprasili vyjści na vulicu, kab ahledzieć Hlebaŭ aŭtamabil. Jak vyjaviłasia, dadzienaja apieracyja była razyhranaja dla taho, kab vymanić IT-kansultanta z kvatery. Jaho zavieźli ŭ Saviecki RUUS (pryčym jon pajechaŭ tudy dobraachvotna, ale ŭ pratakole napisana, nibyta zatrymańnie ŭžo adbyłosia). Na Hleba skłali novy pratakoł, ale pa-raniejšamu ź niekampietentnaj fabułaj. Mužčyna pravioŭ 30 hadzin pad vartaj na Akreścina. Ab tym, što suprać jaho viadziecca administracyjny praces, Hlebu stała viadoma tolki 7 maja padčas znachodžańnia ŭ RUUS.U subotu 11 maja Hleba znoŭ vyklikali ŭ RUUS i skłali novy, užo treci pratakoł. Razhlad spravy pa im pryznačyli na siońnia, 13 maja. Hleb źviartaje ŭvahu, što ŭ hety dzień sychodzić maksimalny termin dla pryciahnieńnia jaho da adkaznaści. Jon nie vyklučaŭ, što na hetaj padstavie spravu chacieli spynić. Da taho ž pasiadžeńnie pačałosia ŭ 10 hadzin, a na 10.30 u sudździ Hałaŭkovaj, jakaja jaho viała, užo byŭ pryznačany nastupny praces. Napačatku pasiadžeńnia Hleb Rubanaŭ zajaviŭ chadajnictva ab vykliku śviedak — majora Varanišča i kapitana Biełaha. Pieršy niepasredna zatrymlivaŭ Hleba i viadzie suprać jaho administracyjny praces. Druhi ŭzhadany jak vykanaŭca ŭ mnohich dakumientach spravy. Sudździa chadajnictva zadavoliła. Druhoje chadajnictva Hleba tyčyłasia vizualnaha ahladu spravy, kab pierakanacca, što dakumienty ŭ sudździ majuć toj ža vyhlad, ź jakimi znajomiŭsia Hleb z advakatam u RUUSie. Sudździa hetaje chadajnictva taksama zadavoliła.

Jašče adno piśmovaje chadajnictva — ab razhladzie zakonnaści zatrymańnia Hleba 7 maja. Jon ličyć jaho advolnym, što parušaje artykuł 9 Mižnarodnaha paktu ab hramadzianskich i palityčnych pravach. Taksama Hleb paprasiŭ pryznać za im prava na kampiensacyju škody, naniesienaj zatrymańniem. I, narešcie, chadajnictva daśledavać pratakoł ahladu pradmietaŭ i dakumientaŭ ad 14 sakavika, jaki znachodzicca ŭ materyjałach spravy, na pradmiet falsifikacyi.

«U pratakole ŭkazana data 5 sakavika 2019 hoda, čas 15.13. Hety čas Fejsbuk fiksuje jak čas pakidańnia kamientara sa spasyłkaj. Ale na skrynšocie sa źviestak sietki Fejsbuk taksama bačna, što fizična jon byŭ zrobleny praz 9 tydniaŭ paśla 5 sakavika. Ja pahladzieŭ pa kalendary — heta 7 maja, dzień majho zatrymańnia. Takim čynam jość vialikaja vierahodnaść, što pratakoł ahladu (jaki i źjaŭlajecca nibyta padstavaj dla pačatku administracyjnaha pracesu) byŭ składzieny paśla taho, jak ja byŭ źmieščany pad vartu albo niepasredna pierad maim zatrymańniem, a nie 14 sakavika», — zaznačyŭ Hleb Rubanaŭ. Advakat Alaksandr Halijeŭ paprasiŭ nakiravać zhadany pratakoł nie ŭ Saviecki RUUS, a dziela acenki ŭ Śledčy kamitet pa Minsku. U sudzie staršy ŭčastkovy Savieckaha RUUS major milicyi Dzianis Varanišča raspavioŭ, što 7 maja 2019 hoda kala 4 — 5 ranicy jon zatrymaŭ Hleba Rubanava ŭ dvary adnaho z damoŭ na vulicy Hamarnika pa padazreńni ŭ ździajśnieńni administracyjnaha pravaparušeńnia.

«Vyklikała padazreńni vaša mašyna: było spuščana koła, dach i kapot mieli paškodžańni. Vy byli vyklikanyja apieratyŭnym dziažurnym dla ahladu», — patłumačyŭ učastkovy. Jon paćvierdziŭ, što Hleb pahadziŭsia prajechać u RUUS dobraachvotna, ale pry hetym zatrymańnie adbyłosia paśla pasadki ŭ milicejskuju mašynu. Administracyjny praces pačaŭsia 14 sakavika, z momantu składańnia pratakołu ahladu staronki ŭ Fejsbuku. Jon śćviardžaje, što čas daśledavańnia staronki — 16.09. Adnak hetyja źviestki razychodziacca z tym, što napisana ŭ pratakole ahladu. I jašče adzin momant: 10 traŭnia materyjały byli nakiravanyja ŭ sud, a z pratakołam Rubanaŭ z advakatam zmahli aznajomicca tolki 11 traŭnia. Varanišča skazaŭ, što Hleb byŭ zatrymany pa padazreńni ŭ ździajśnieńni administracyjnaha pravaparušeńnia, adnak u pratakole skazana, što — dla zabieśpiačeńnia ŭdziełu ŭ administracyjnym pracesie. «Heta nie supiarečańnie, a ŭdakładnieńnie», — patłumačyŭ učastkovy.

Jakim čynam ustanavili, što akaŭnt Hleb Rubanau u Fejsbuku naležyć Hlebu Rubanavu, jamu nieviadoma — hetym zajmałasia HUBAZiK. Nastupny śviedka, učastkovy Alaksandr Bieły, patłumačyŭ, što viedaje Rubanava, pakolki składaŭ na jaho pratakoł ab administracyjnym pravaparušeńni. Taksama śviedka śćviardžaje, što Rubanava zaprašali pryjści ŭ milicyju, u tym liku dasyłali pozvu pa pošcie. Hleb Rubanaŭ zajaviŭ chadajnictva ab vykliku ŭ sud načalnika ŭpraŭleńnia HUBAZiK MUS pa supraćdziejańni ekstremizmu, jaki ŭstanaŭlivaŭ asobu Rubanava ŭ sietcy Fejsbuk. Da taho ž asoba Rubanava nibyta była ŭstanoŭlenaja 18 sakavika, a pratakoł ahladu byŭ składzieny 14 sakavika. Adnak sud chadajnictva adchiliŭ. Hleb pierakanany, što asoba, jakaja ździejśniła pravaparušeńnie, nie ŭstanoŭlenaja, a hramadskaja niebiaśpieka ad jaho — vielmi małaja. Tamu jon ličyć, što administracyjny praces u adnosinach da jaho nieabchodna spynić za adsutnaściu padziei pravaparušeńnia. U svaju čarhu advakat Alaksandr Halijeŭ źviarnuŭ uvahu na poŭnuju niekampietentnaść i pravavy nihilizm supracoŭnikaŭ MUS. Praz heta čałaviek, u jakoha na ŭtrymańni znachodzicca maci-invalid 1 hrupy i čatyrochhadovaje dzicia, apošnija dni vymušany amal nie spać, pakutavać ad pavyšeńnia cisku, a ŭsia jaho siamja — žyć u niervovaj abstanoŭcy.

Adnak sudździa Hałaŭkova paličyła, što hetaha niedastatkova, i aštrafavała Hleba Rubanava na 40 bazavych vieličyń (1020 rubloŭ).

Kamientary6

Zamach na Donalda Trampa: u jaho stralali ŭ čas vystupu ŭ Piensilvanii54

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

U Kobrynie bolš nie budzie vulicy Kalinoŭskaha11

Samit NATA pakazaŭ adsutnaść mocnaha lidara nakštałt Čerčyla — Bild3

Kaho siońnia možna nazvać sapraŭdnym patryjotam Biełarusi? Hutarka ź fiłosafam Barkoŭskim13

Hramadzianina Indyi, jak miarkujecca, uziali ŭ zakładniki ŭ Biełarusi9

Biełaruskim błohieram zakručvajuć hajki — źmianili praviły publikacyi rekłamy ŭ sacsietkach. Padrabiaznaści1

Prezident Čechii prapanavaŭ sposab pačać pieramovy pamiž Ukrainaj i Rasijaj6

U Rastoŭskaj vobłaści z-za ataki dronaŭ haryć naftabaza

Sud zakryŭ spravu akciora Aleka Bołduina, jakoha abvinavačvali ŭ nienaŭmysnym zabojstvie apieratarki-ŭkrainki na zdymkach

Što pryhatavać ź lisičkami: frykadelki, hulaš, kašu

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii54

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →