Biełaruskich viaskoŭcaŭ adpraŭlali ŭ biaspłatny adpačynak u Daminikanskuju Respubliku. Ale ŭsio było nie tak prosta
Upraŭleńnie Śledčaha kamiteta pa Homielskaj vobłaści zaviaršyła rasśledavańnie kryminalnaj spravy ŭ dačynieńni da dvuch členaŭ arhanizavanaj hrupy, jakaja ažyćciaŭlała pastaŭku kakainu z Daminikanskaj Respubliki ŭ Rasiju.
Ukrainiec, jaki žyŭ niejki čas u Daminikanie, arhanizavaŭ kanał pa pastaŭcy narkotykaŭ. Jon prapanoŭvaŭ achvotnym biełarusam — uradžencam adnoj i toj ža vioski — biaspłatny adpačynak na kurortach, ale ŭzamien prasiŭ pryvieźci vino.
I voś tut samaje cikavaje: u ałkaholi papiarednie rastvaraŭsia kakain. Paśla pryvozu butelek u Rasiju kakain vyparvaŭsia z vadkaści i pradavaŭsia.
Adnak pravaachoŭniki daviedalisia pra złačynnuju schiemu. Padazravanych zatrymali ŭ aeraportach Hiermanii, na terytoryi Rasii i Biełarusi.
Tak, 3 maja 2018 hoda ŭ punkcie mytnaha afarmleńnia «Novaja Huta» ŭ Homielskim rajonie supracoŭniki mytni spynili aŭtamabil Opel Astra, u jakim znachodzilisia dva hramadzianiny Biełarusi, 1975 i 1989 hadoŭ naradžeńnia. Padčas nadhladu bahažu byli kanfiskavanyja dźvie butelki z-pad vina z sumniŭnym źmieścivam. Pry hetym mužčyny pasprabavali źniščyć ślady svajoj supraćpraŭnaj dziejnaści.
Troje členaŭ arhanizavanaj hrupy, zatrymanych raniej na terytoryi Hiermanii, pryciahnuty da kryminalnaj adkaznaści zhodna z zakanadaŭstvam hetaj krainy. Inšyja členy hrupy znachodziacca pad śledstvam u Rasii.
Nočču ŭ Biełaruś zalacieli vosiem dronaŭ. Adzin amal dabraŭsia da miažy ź Litvoj7
Kamientary