Michaś Skobła napisaŭ kranalny vierš pra apuściełyja vioski, dzie buldozierami chavajuć kinutyja chaty
Svoj vierš Michaś Skobła apublikavaŭ u siabie ŭ fejsbuku.
Michaś Skobła. Radaŭnica
Nad kryžami ptach piaje.
Hej, adnaviaskoŭcy,
Marmurovyja maje!..
U adkaz — ni słoŭca.
Paražnili hlak da dna,
Zapivali kvasam.
Tancavali da vidna
Polku z vychilasam.
Zvonkahlinnyja zbanki
Na płatach visieli.
Śpieŭ lacieŭ na ŭsie baki,
Pa try dni — viasielli.
Pryviała viarba naŭhad,
Žoŭtaja, jak z vosku, —
Ni ludziej niama, ni chat,
Zakapali viosku.
Tam kłady i tut kłady,
Zrub lažyć la zruba.
Pierabralisia b siudy,
Dzied Vasil moj małady,
Ciotka maja Luba.
Paminalnaj śviečki ŭschlip
Stynie ŭ chaładečy.
Moža, tut vy ažyli b,
Zapaliŭšy ŭ piečy.
Ekskavatarny raskop.
Viecier rvie hazietu.
Komin, niby pieryskop,
Hlanuŭ z taho śvietu…
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy15
Kamientary