Ab hetym kiraŭnik biełaruskaj dziaržavy zajaviŭ siońnia na sustrečy z pasłom Niamieččyny ŭ Biełarusi Pieteram Dytmaram, pieradaje BiełTA.
«Za pieryjad vašaj misii ŭ Biełarusi adbylisia značnyja źmieny va ŭzajemaadnosinach nie tolki Biełarusi ź Niamieččynaj, što vyjaŭlajecca ŭ tavaraabarocie — jon vyras amal na tracinu. Vielmi prystojny rost. Ale akramia tavaraabarotu i našych adnosin ź Niamieččynaj u nas paciapleli adnosiny ŭ cełym ź Jeŭrapiejskim sajuzam. U Jeŭrapiejskim sajuzie Niamieččyna — viadučaja kraina. A vy pradstaŭlali Niamieččynu ŭ Biełarusi. Tamu my vielmi stanoŭča aceńvajem nie tolki ŭkład Niamieččyny, ale i vaš asabisty ŭkład u narmalizacyju adnosin Biełarusi ź Jeŭrapiejskim sajuzam», - zajaviŭ biełaruski lidar.
«Tym nie mienš zaŭsiody jość pytańni. Jak by stanoŭča ni raźvivalisia adnosiny. Navat vaźmicie našy vielmi prasunutyja, družalubnyja, brackija adnosiny z Rasijaj — tym nie mienš masa pytańniaŭ, jakija treba vyrašać. Tamu i ź Niamieččynaj u nas, i tym bolš ź Jeŭrapiejskim sajuzam jość niamała pytańniaŭ, jakija treba vyrašać. I ja chacieŭ by, kab vy adkryta vykazalisia pa hetych prablemach», — skazaŭ Alaksandr Łukašenka.
Va Ukrainie zahinuła 24-hadovaja biełaruskaja dobraachvotnica Maryja Zajcava31
Kamientary