Vyniki prezidenckich vybaraŭ u Litvie: roźnica pamiž kandydatami skłała 0,18%
Budzie druhi tur z zakručanaj intryhaj.
12 maja ŭ Litvie prajšoŭ pieršy tur prezidenckich vybaraŭ i dva refierendumy (ab skaračeńni kolkaści deputataŭ i pašyreńni padvojnaha hramadzianstva). Zaraz idzie padlik hałasoŭ.
Paśla padliku hałasoŭ na 1 972 učastkach pieramahaje kansiervatar Inhryda Šymanicie — 31,13%, ekanamist Hitanas Naŭsieda — 30,95%, premjer Saŭlus Skviarnialis — 19,72%.
Pryčym Šymanicie skaraciła adstavańnie i ŭpeŭniena abahnała Skviarnialisa, bo paśla vynikaŭ na pieršych učastkach premjer pieramahaŭ z vynikam ledź nie 5%.
Sacyjał-demakrat Vicianis-Poviłas Andrukajcis nabiraje 4,79%, fiłosaf, adzin z zasnavalnikaŭ «Sajudzisa» Arvidas Juozajcis — 4,69%, lidar Vybarčaj akcyi palakaŭ Litvy Valdemaras Tamašeŭski — 4,00%, Mindaŭhas Pujdokas — 2,58%, Nahlis Puciejkis — 0,79%, Valancinas Mazuronis — 0,65%.
Jaŭka na vybarach skłała 56%
Vyniki krychu siensacyjnyja, bo papiarednija apytańni addavali pieršaje miesca Šymanicie. A Skviarnialis tolki niadaŭna mieŭ, pavodle tych ža apytańniaŭ, usiaho 16%.
Hitanasu Naŭsiedu — 55 hadoŭ, jon viadomy bankir i ekanamičny daradca. Byŭ daradcam prezidenta Vałdasa Adamkusa (2004—2009), hałoŭny ekanamist banka SEB. Naŭsieda — žanaty, u jaho dźvie dački.
Inhrydzie Šymanicie — 45, jana była ministram finansaŭ u 2009—2013 hh., zatym namieśnikam staršyni Banka Litvy. Kandydat ad Sajuza Ajčyny — chryścijanskich demakrataŭ. Nie zamužam, dziaciej niama. Vyjhrała prajmieryz u dypłamata Vihaŭdasa Ušackasa z vynikam 78%.
Saŭlusu Skviarnialisu — 48. Z adukacyi jon inžynier-matematyk, ale vyrašyŭ zrabić palicejskuju karjeru. Prajšoŭ usie prystupki: ad darožnaha inśpiektara ŭ Trakai da hienieralnaha kamisara palicyi i ministra ŭnutranych spraŭ. Jaho partyja «Sajuz zialonych i sialan» u 2016 h. vyjhrała vybary, i Skviarnialis uznačaliŭ urad. Saŭlus žanaty, u jaho dačka i syn.
Skviarnialis paabiacaŭ, što kali nie projdzie ŭ druhi tur, to padaść u adstaŭku i z pasady premjera.
Skviarnialis zatym pozna ŭviečary pryznaŭ, što nie prajšoŭ u druhi tur.
Dala Hrybaŭskajcie adbyła dva terminy, tamu bałatavacca nie mahła.
U Litvy budzie novy prezident. Siońnia tam vybary, i jość intryha, vartaja dobraha detektyva
Druhi tur — 26 maja, u hety ž dzień projduć vybary ŭ Jeŭraparłamient.
Minčuki rasčaravanyja salutam na Dzień horada — šmat kamientaroŭ2
Kamientary