Zatrymańnie namieśnika dziaržsakratara Rady biaśpieki Andreja Uciuryna naradziła šmat viersij, jakija sprabujuć patłumačać takuju zvyšpadzieju, i biełaruski KDB svaim maŭčańniem pakidaje prastoru dla interpretacyj.

Čytajcie: KDB aryštavaŭ Andreja Uciuryna — byłoha načalnika słužby achovy Łukašenki

Biełarusy znoŭ šukajuć infarmacyi pra padziei va ŭłasnaj krainie z rasijskich kanałaŭ. Što ž raskazvajuć rasijanie?

Niekatoryja rasijskija sajty i telehram-kanały śćviardžajuć, što Uciuryn padazrajecca ŭ źlivie infarmacyi rasijskim śpiecsłužbam.

My paprasili abaznanych ludziej prakamientavać takija viersii.

Vysokapastaŭleny słužboviec MUS abviarhaje kanśpirałohiju ŭ spravie Uciuryna, miarkujučy, što historyja prazaičnaja: «Pryčyna ŭ tym, što jon braŭ hrošy i vyrašaŭ pytańni».

Inšy čałaviek, blizki da śpiecsłužbaŭ, bačyć u zajavach rasijskich ŚMI niešta «blizkaje da praŭdy», ale nie viedaje roli ŭ hetym Uciuryna. Pry hetym jon paćviardžaje, što dziŭnyja źlivy infarmacyi z samaha vierchu nasamreč mieli miesca:

«Piša niejki vysokapastaŭleny čynoŭnik, nie budziem nazyvać imionaŭ, sakretnuju zapisku na imia Łukašenki. Jon vykazvajecca na temu aktualnych vyklikaŭ i rašeńniaŭ, prapanuje svaje arhumienty i bačańnie situacyi. Što adbyvajecca dalej?

Łukašenka pieradaje hetuju infarmacyju da inšych viedamstvaŭ, naprykład, u KDB, Radu Biaśpieki, AAC, Minekanomiki: «Vykažycie svaju pazicyju».

A potym ledź nie ŭ dzień rassyłki aŭtara dakumienta i Łukašenku pačynajuć piasočyć u «Niazyhary», tema zapiski dasyłajecca rasijskim i niekatorym miascovym publicystam dla napisańnia zakaznych materyjałaŭ, jaje źmiest amal dasłoŭna cytujecca ŭ publičnych rasijskich kanałach. 

Dalej situacyja raźvivajecca zhodna z pryncypam, jaki apisvaŭ Džulijan Asanž: garbage in, garbage out [kali ŭ sistemu pastupaje śmiećcie, ź jaje śmiećcie i vychodzić — red.]. Z chaty vynosiać dakładnuju infarmacyju, a zanosiać śmiećcie: zmovy, kanśpirałohiju i hetak dalej.

Ludzi stračvajuć davier da ŭnutranaj kamunikacyi: jany viedajuć, što za takija zapiski mohuć być prapiasočanyja publična, heta moža mieć niejkija nastupstvy dla ich asabista. U takuju historyju traplaŭ nie adzin čałaviek», — skazała nam krynica.

Aficyjny pradstaŭnik KDB Biełarusi Andrej Jaraš na prośbu prakamientavać publikacyi rasijskich telehram-kanałaŭ na temu pryčyn zaviadzieńnia kryminalnaj spravy suprać Uciuryna adkazaŭ: «Biez kamientaroŭ».

Pavodle infarmacyi «Našaj Nivy», kryminalnaja sprava suprać Uciuryna była zaviedzienaja 23 krasavika. Ukaz Alaksandra Łukašenki pra zvalnieńnie Uciuryna z farmuloŭkaj «za dyskredytacyju voinskaha zvańnia» datujecca 24 krasavika. Uciuryn byŭ kiraŭnikom asabistaj achovy prezidenta, paśla ŭznačalvaŭ Słužbu biaśpieki prezidenta (2007—2014), paśla byŭ namieśnikam dziaržsakratara Rady biaśpieki Biełarusi (ad 2014).

Čytajcie:

Piać faktaŭ pra Andreja Uciuryna, jaki 7 hadoŭ kiravaŭ słužbaj achovy Łukašenki

KDB pra zatrymańnie Uciuryna: «Biez kamientaroŭ»

Što pisaŭ u tvitary syn Andreja Uciuryna paśla zatrymańnia baćki

Jak vyhladaje katedž u Drazdach, jaki naležyć aryštavanamu Andreju Uciurynu

KDB nie paškadavaŭ navat kvateru Uciurynych, pabudavanuju ź ilhotnym kredytam i aformlenuju na žonku

U Radzie biaśpieki Uciuryn adkazvaŭ za milicyju, časta sustrakaŭsia z Šunievičam i Karajevym

Клас
0
Панылы сорам
0
Ха-ха
0
Ого
0
Сумна
0
Абуральна
0