Piatro Parašenka patelefanavaŭ Uładzimiru Zialenskamu i pavinšavaŭ jaho z aficyjnymi vynikami vybaraŭ, jakija 30 krasavika abviaściła CVK, paviedamlaje Bi-bi-si Ukraina.
Parašenka zaklikaŭ skaardynavać namahańni, kab uzmacnić sankcyi suprać Rasii.
Prezident taksama paviedamiŭ, što damoviŭsia sustrecca z Uładzimiram Zialenskim «u nabližejšy čas».
«Supiernictva na vybarach zastałosia ŭ minułym», - adznačyŭ Parašenka.
Parašenka adznačyŭ, što mižnarodnyja naziralniki pryznali vybary «sumlennymi, prazrystymi i demakratyčnymi».
«Jany ŭ poŭnaj miery adpaviadali stratehii Ukrainy na členstva ŭ Jeŭrapiejskim sajuzie i NATA, ja paśladoŭna ŭvasablaŭ heta na praciahu piaci hadoŭ svajho prezidenctva», - zajaviŭ prezident.
Jon vykazaŭ nadzieju, što Uładzimir Zialenski praciahnie hety kurs.
Parašenka taksama zaklikaŭ nieadkładna «prademanstravać usim našym partnioram adzinuju ŭkrainskuju pazicyju ŭ toj čas, kali razdačaj rasijskich pašpartoŭ na akupavanych terytoryjach Kreml ažyćciaŭlaje čarhovy etap hibrydnaj vajny suprać Ukrainy».
Alaksandr Łukašenka pacałavaŭ orden, uručany jamu Pucinym25
Kamientary