26 krasavika adrazu niekalki čytačoŭ źviarnulisia ŭ redakcyju Hrodna.life i raskazali, što na vulicy Savieckaj pradajuć partrety Iosifa Stalina. Aŭtar rabot kaža, što ničoha nie parušaje i budzie dalej spakojna pradavać partrety.

Užo nie raz na vulicy Savieckaj adbyvalisia kanflikty minakoŭ z mastakom. Apošni raz kanflikt byŭ źviazany ź niekalkimi partretami Pucina. Tady ŭzrovień dyskusii byŭ daloki ad mastackaha, da punkta prodažu pryjazdžała milicyja.

«Dziakujučy Stalinu hetyja aburanyja siońnia žyvuć»

Siarhiej maluje ŭžo 40 hadoŭ. Apošnija šeść mastak pradaje svaje raboty ŭ Hrodnie na vulicy Savieckaj. Heta partrety viadomych asob. Časta siarod ich možna ŭbačyć partret prezidenta Rasii Uładzimira Pucina. Da majskich śviataŭ mastak vyrašyŭ paradavać haradžan partretami Stalina. Pradaje jon jaho za 10 rubloŭ.

«Chaj nie lezuć hetyja nacysty nie ŭ svaju spravu. Što chaču, to i pradaju, — kaža Siarhiej. — Na zakanadaŭčym uzroŭni ja ničoha nie parušaju. Stalin — heta hieroj, jaki vyratavaŭ śviet ad fašyzmu. Da mianie šmat źviartajucca i zakazvajuć jaho partret. Ja rablu i nie pišu na im «zabju ŭsich», ja pišu «z Dniom pieramohi». Dziakujučy Stalinu hetyja ŭsie aburanyja siońnia žyvuć, jany jamu pa trunu žyćcia pavinny być udziačnyja. Jany spadčyńniki Bandery i Šuchieviča. Heta ŭsio sučasnyja biełaruskija nacyjanalisty, jakija takim voś čynam zarablajuć sabie ački dla taho, kab žyć u Amierycy. Padymajuć buču, pravakujuć ludziej. Nikomu da karcin niama spravy, a jany prychodziać i pačynajuć skandalić. Voś da Dnia niezaležnaści Polščy namaluju partrety Piłsudskaha i Kaściuški, tak jany navat ich nie paznajuć, bo nie viedajuć chto heta takija».

«Što chaču, toje i pradaju». Na Savieckaj znoŭ kanflikt z-za partreta, hetym razam - Stalina

«Što chaču, toje i pradaju». Na Savieckaj znoŭ kanflikt z-za partreta, hetym razam - Stalina

«Antybiełaruskija impierskija pamknieńni»

Niekalki razoŭ kanfliktavaŭ z mastakom hrodzieniec Siarhiej Vieramiejenka. Na adnoj z takich sustreč jamu raźbili płanšet: kali jon sprabavaŭ zdymać videa pra partrety. Milicyja jašče raźbirajecca, chto byŭ vinavaty ŭ hetym zdareńni.

«Na žal, u siońniašniaj Biełarusi čas ad času davodzicca nazirać padobnuju «tvorčaść» roznaha kštałtu prapahandystaŭ ruskaha śvietu. Bolšaść ź ich — heta biazdumnyja kanjunkturščyki, katorym abyjakavyja jakija-kolviek pahrozy dla Biełarusi. Jany ich nie adčuvajuć, tamu što nie žadajuć usprymać. Bo ŭ hałavie tolki «jak zarabić». Na čym — nie istotna. Dušeŭnyja fantomnyja boli ŭ takich indyvidumaŭ vielmi časta vyploskvajucca ŭ ahresiju. Asabliva suprać tych, chto lubić Biełaruś i ličyć našuju dziaržaŭnaść niedatykalnaj kaštoŭnaściu.

Paŭtara miesiacy tamu ja ŭ hetym pierakanaŭsia asabista. Toj samy Siarhiej, razam sa svaim naparnikam i ruskamirnym adnadumcam litaralna nakinulisia na mianie paśla taho, jak ja zdymaŭ na videa vulicu Savieckuju z ramieśnikami, a taksama zadaŭ paru pytańniaŭ hetamu mastaku. U vyniku adept Pucina raźbiŭ moj darahi płanšet. Na dadzieny momant padadziena zajava, pravodzicca ekśpiertyza. Čakaju vynikaŭ rasśledvańnia ź pieradačaj spravy ŭ sud.

Pa vynikach rasśledavańnia budzie bačna, na čyim baku orhany pravaachovy. Faktyčna — heta byccam zvykłaja chulihanka. Ale ździejśniena jana ź ideałahičnych antybiełaruskich impierskich pamknieńniaŭ, čaho hety tak zvany mastak i nie ŭtojvaje. I kali heta nie palityčnaja sprava, tady što takoje palityka?».

U haradskim Centry kultury, jaki kuryruje kirmašy ramieśnikaŭ na Savieckaj, raspaviali, što mastaki majuć prava pradavać usio toje, što nie zabaroniena. Pad zabaronu traplajuć tolki vyjavy z prapahandaj hvałtu, narkotykaŭ i parnahrafii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?