Łukašenka 18 krasavika padpisaŭ ukaz numar 181, paviedamlaje BiełTA.

Dakumient unosić źmianieńni va ŭkaz ad 26 lutaha 2015 hoda №99 «Ab spahnańni padatku na dadanuju vartaść». Jany nakiravany na paetapnuju admienu miechanizma abmiežavańnia padatkovych vylikaŭ pa padatku na dabaŭlenuju vartaść pry imparcie tavaraŭ. Heta dazvolić płacielščykam na bolš rańnim etapie prymać da vyliku padatak na dadanuju vartaść i takim čynam papaŭniać abarotnyja srodki.

Dla dalejšaj dedalaryzacyi ekanomiki praduhledžvajecca vypłata padatku za zdabyču (vyjemku) pryrodnych resursaŭ u dačynieńni da nafty i soli kalijnaj u biełaruskich rublach, a nie ŭ zamiežnaj valucie.

Samazaniatym hramadzianam dali prava vykonvać raboty i akazvać pasłuhi nie tolki dla fizičnych, ale i dla jurydyčnych asob i indyvidualnych pradprymalnikaŭ.

Pryznany straciŭšym siłu ŭkaz ad 23 kastryčnika 2012 hoda №488 «Ab niekatorych mierach pa papiaredžańni niezakonnaj minimizacyi sum padatkovych abaviazacielstvaŭ», pakolki zakanadaŭčyja normy, nakiravanyja na zabieśpiačeńnie paŭnaty vypłaty padatkaŭ, zamacavany niepasredna ŭ Padatkovym kodeksie.

Клас
0
Панылы сорам
0
Ха-ха
0
Ого
0
Сумна
0
Абуральна
0