Kiraŭnik urada Rasii Dźmitryj Miadźviedzieŭ abviaściŭ pra ŭviadzieńnie novych abmiežavańniaŭ na handal z Ukrainaj. Adnoj z hałoŭnych mier stanie ŭviadzieńnie faktyčnaj zabarony na ekspart u hetuju krainu rasijskaj nafty i naftapraduktaŭ, a taksama vuhalu, z 1 červienia ich možna budzie vyvozić tolki pa asobnych dazvołach, paviedamlaje «RIA Naviny».

Adnačasova Miadźviedzieŭ zajaviŭ pra pašyreńnie śpisu ŭkrainskich tavaraŭ, zabaronienych da ŭvozu na terytoryju Rasii. Pavodle jaho słoŭ, adpaviednaja pastanova ŭrada ŭžo padpisana.

«My pašyrajem zabaronu na ŭvoz u Rasiju asobnych vidaŭ tavaraŭ, hetaja miera zakranie ŭkrainskuju pradukcyju mašynabudavańnia, lohkaj pramysłovaści, mietałaapracoŭki, košt jakoj za minuły hod skłaŭ amal 250 młn dalaraŭ», - skazaŭ Miadźviedzieŭ.

Uviadzieńnie zabarony premjer-ministr nazvaŭ adkazam na niedružalubnyja dziejańni Kijeva.

10 krasavika Kabmin Ukrainy pašyryŭ śpis tavaraŭ, zabaronienych da ŭvozu z Rasii, uklučyŭšy ŭ jaho, u pryvatnaści, škłotaru, farmalin, aparaturu dla pryład čyhunačnaj aŭtamatyki i h.d.

Novyja sankcyi ŭvodziacca Rasiejaj za try dni da druhoha tura vybaraŭ prezidenta Ukrainy, pryznačanaha na 21 krasavika.

Клас
0
Панылы сорам
0
Ха-ха
0
Ого
0
Сумна
0
Абуральна
0