Pieramovy pamiž Biełaruśsiu i Rasijaj pra canu na haz, jakaja budzie ŭstanoŭlena dla našaj krainy z 1 studzienia 2020 hoda, iduć pastajanna. Cana abmiarkoŭvajecca ŭ kompleksie ź inšymi datyčnymi intehracyi pracesami. Pra heta žurnalistam raspavioŭ pasoł Rasii ŭ Biełarusi Michaił Babič, naviedvajučy 4 krasavika Brest, paviedamlaje Tut.by.
— U kožnaha pytańnia jość svaje časovyja etapy. My dziejničajem pa hrafiku, viadziem pieramovy ŭ adpaviednaści z našym płanam, — raspavioŭ Babič.
Što tyčycca kankretnaj cany na haz, to, jak adznačyŭ Babič, hetaje pytańnie razhladajecca ŭ kompleksie ŭsich intehracyjnych pytańniaŭ: stvareńnia adzinaha hazavaha rynku, adzinaha rynku naftapraduktaŭ, rynku enierhietyki, a taksama stvareńnia roŭnych umoŭ haspadarańnia.
Babič adznačyŭ, što pytańni cany na naftu, haz padymalisia i 10 hadoŭ tamu, i Biełaruś i Rasija «zaŭsiody znachodzili rašeńni i raźvivali našu intehracyju».
Što tyčycca vydzialeńnia 600 młn dalaraŭ kredytu, to, pa słovach Babiča, rašeńnie było pryniata Pucinym u adpaviednaści z damoŭlenaściami, dasiahnutymi pamiž prezidentami ŭ Sočy ŭ vieraśni 2018 hoda. Toje, što navina prahučała napiaredadni Dnia jadnańnia Biełarusi i Rasii, Babič nazvaŭ supadzieńniem.
U Brest Michaił Babič pryjechaŭ paśla naviedvańnia rehijonaŭ. U Pinsku jon naviedaŭ Śviata-Varvarynski kafiedralny sabor i sustreŭsia z archijepiskapam Pinskim i Łuninieckim Stefanam. Zatym jon ahledzieŭ kobrynski vajenna-histaryčny muziej i STAA «Paleśsie».
U Breście pasoł praviadzie ŭ Bresckaj krepaści naradu pa kancepcyi raźvićcia maładziožna-patryjatyčnaha centra ŭ Bresckaj krepaści.
Saša Filipienka raskazaŭ, čamu nie płanuje pisać pa-biełarusku i jak Biełaruś moža stać padarunkam Rasii ŭ vajnie64
Kamientary