U Italii zatrymali 47-hadovaha kiroŭcu, vychadca ź Sieniehała, jaki padpaliŭ aŭtobus ź dziećmi ŭ adkaz na hibiel mihrantaŭ u Mižziemnym mory. Jak paviedamlaje The Telegraph, kiroŭca školnaha aŭtobusa zajaviŭ, što pomścić za tysiačy mihrantaŭ-afrykancaŭ, jakija patanuli ŭ Mižziemnym mory, sprabujučy dapłyć na Jeŭropy.

«Nichto nie vyžyvie. Spynicie hibiel ludziej u mory abo ja ŭčyniu raźniu», — pahražaŭ jon, kaža palicyja.

Kiroŭca vioz u aŭtobusie 51 vučnia siaredniaj škoły niedaloka ad horada Kremona na spartyŭnaje mierapryjemstva. Pa darozie jon rezka źmianiŭ napramak u bok susiedniaha Miłana. Jon nakiravaŭ aŭtobus u aŭtamabili na ažyŭlenaj trasie, pierš čym jaho spyniła palicyja. Zatym jon abliŭ aŭtobus bienzinam i padpaliŭ.

Palicejskija raźbili vokny ŭ aŭtobusie, praź jakija ŭsie dzieci paśpiachova evakuiravalisia. Sama mieniej 12 dziaciej dastavili ŭ balnicu z-za ŭdaraŭ, atručeńnia praduktami hareńnia i šoku.

Užo paśla evakuacyi pasažyraŭ aŭtobus vyhareŭ daščentu.

Клас
0
Панылы сорам
0
Ха-ха
0
Ого
0
Сумна
0
Абуральна
0