U čaćvier 14 sakavika kala 12-j hadziny la «siniaha doma» ŭ Viciebsku byŭ zatrymany Barys Chamajda. U Čyhunačnym RAUS na jaho skłali administracyjny pratakoł za «zahruvaščvańnie vulicy» (art. 21.14 KaAP). U milicyi viciebski apazicyjanier prabyŭ bolš za hadzinu, paviedamlaje «Viciebskaja viasna».
Paźniej Barys Chamajda raskazaŭ, što ŭ hety dzień, jak zaŭsiody, stajaŭ kala domu pa vulicy Lenina, 28 u Viciebsku, dzie raspaŭsiudžvaŭ niezaležnyja vydańni. Milicyjanty padyšli prykładna praz 15 chvilin paśla taho, jak jon parazmaŭlaŭ ź viciebskim žurnalistam — havorka była pra 25-hoddździe Kanstytucyi.
«Jany padyšli i zapatrabavali, kab ja syšoŭ z hetaha miesca. A kali admoviŭsia, paviedamili, što parušaju zakanadaŭstva ab masavych mierapryjemstvach i što jany mianie zatrymlivajuć», — raspavioŭ Barys Chamajda.
Ale ŭ adździaleńni milicyi Chamajda daviedaŭsia, što jaho abvinavačvajuć u parušeńni praviłaŭ dobraŭparadkavańnia i ŭtrymańnia nasielenych punktaŭ — pavodle art. 21.14 KaAP. Nibyta zatrymany «zahruvaščvaŭ svajoj majomaściu vulicu». Artykuł praduhledžvaje pakarańnie štrafam da 5 bazavych vieličyń. Barys Chamajda pratakoł nie padpisaŭ.
Raskazaŭ, što na pytańnie, čamu ž jaho ŭsio-taki zatrymali, supracoŭnik milicyi, jaki składaŭ pratakoł, adkazaŭ z uśmieškaj: «Nu dyk zaŭtra ž Dzień Kanstytucyi…»
Chamajda zaznačyŭ, što da hetaha amal ciaham hodu milicyjanty nia mieli da jaho nijakich pretenzijaŭ.
Apošni raz Barysa Chamajdu zatrymlivali ŭ červieni 2018 hodu, pierad adkryćciom «Słavianskaha Bazaru ŭ Viciebsku».
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary